1.I-Korinto 5:11 - Te B'aib'ara

¹¹ Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 5:11 ပူးပေါင်းရင်းမြစ်များ

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Mataio 18:17

Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

Mataio 23:25

A na reke kaimi, taani koroboki ma B'aritaio, aika taani m'am'ana-te-aba! B'a kam kaitiaka akuun te m'angko ma te raurau, ma a on nanoia n am'arake ma ninima aika reke n te aro n iowawa ma ni kani b'aib'ai.

Ruka 18:11

E tei te B'aritaio n tataro i rouna ni kangai, “Te Atua, I kaitauko b'a tiaki aroia aomata nako ngai, aika a anai b'aai n te aro ni babakanikawai, a aki b'aina te eti, ao taani wene ni bure, ao tiaki naba aron te tia anai taekiti aei ngai.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 10:14

Ma ngaia aei, ngkami aika kam tangiraki i rou, kam na bon aki taromauria te bouannanti.

1.I-Korinto 11:21

B'a ngkana kam am'arake, ao e waki n am'arake i bon i rouna te aomata n aki tataninga; ao e baki temanna, ao e manging temanna.

1.I-Korinto 5:13

Ma te Atua E na motiki taekaia akana tiaki kaain te ekaretia. Kam na kam'awa te aomata ae buakaka mai buakomi.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

1.I-Korinto 6:6

nakon ae e uota tangina anne nakon te kabowi ao e tei ma te aomata are e tang i bukina, b'a e na motikaki taekana irouia aomata aika tiaki kaain te ekaretia?

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 7:12

Aio ngkanne au taeka nakoia tem'angina i buakomi ma tiaki ana taeka te UEA, b'a ngkana iai i buakomi raomi n onimaki ae buuna te aine ae tiaki te tia onimaki ae kariaia b'a e na tekateka ma teuanne, ao ke e tai kitana neienne.

1.I-Korinto 7:15

Ma ngkana bon nanon te aomata ae aki onimaki b'a e na kitana buuna are onimaki, ao ke e karaoia; ngkana e reke aei, ao akea te bae e na kabaeaki iai n te maiu n taanga te mm'aane ke te aine are te buu are onimaki. B'a E a tia te Atua ni weteira nakon te maiu n raoi.

1.I-Korinto 8:11

Ma ngaia ae i bukin am “atatai” ao e a uruaki iai maiun teuare mamara, ae te tia onimaki ae e mate Kristo i bukina.

I-Karatia 2:12

B'a i m'ain rokoia tabem'aang mairoun Iakobo, ao e bon am'am'arake ma aomata aika tiaki I-Iutaia; ma ngke a roko, ao e kerikaki man arona arei, ni kaokoroa, b'a e makuia ake a korotabonim'aneaki.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

2.I-Tetaronike 3:14

ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.