1.I-Korinto 5:10 - Te B'aib'ara

¹⁰ I aki nanoniia ikai aomatan te aonnaba aei aika taani wene ni bure, ma taani mataai ni kanib'aib'ai, ma taani babakanikawai, ma taan taromauri bouannanti; b'a ngkana ngaia aei ae I nanonna, ao nanona ngkanne b'a kam na kitana te aonnaba.

1.I-Korinto 5:10 ပူးပေါင်းရင်းမြစ်များ

Ruka 18:11

E tei te B'aritaio n tataro i rouna ni kangai, “Te Atua, I kaitauko b'a tiaki aroia aomata nako ngai, aika a anai b'aai n te aro ni babakanikawai, a aki b'aina te eti, ao taani wene ni bure, ao tiaki naba aron te tia anai taekiti aei ngai.

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

Ioane 17:6

“I a tia ni kaota aram nakoia aomata aika Ko anganai mai buakon te aba; bon am b'ai ngaiia, ao Ko anganai, ao a ongeaba nakon am taeka.

Ioane 17:9

“I tataro i bukiia; I aki tataro i bukin te aba, ma I tataro i bukiia aika Ko anganai, b'a am b'ai ngaiia.

Ioane 8:23

E taku Iesu nakoia, “Kaain aon te aba ngkami, ma Ngai kaain eta. Ana b'ai te aba aei ngkami, ma tiaki ana b'ai te aba aei Ngai.

1.I-Korinto 1:20

E nga ane rabakau? E nga te b'akuaku n taekan te Tua? E nga te tia rabakau ni kauntaeka i aon te aonnaba aei? Tiaki E a tia te Atua ni karaoa te nanobaba b'a rabakaun aonnaba?

1.I-Korinto 10:27

Ngkana e kaoingkami temanna i buakoia ake a aki onimaki nakon ana am'arake, ao ngkana kam kan nako, ao kam na kang am'arake nako ake a kaki i matami, n aki neneri taekaia, i bukini mataniwin nanomi.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 5:9

N au reta are I a tia ni koroia nako imi, ao I tuangngkami b'a kam na aki raoniia taani wene ni bure.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

1.Ioane 4:5

Boni man te aonnaba ae bubure te koraki arei; ma ngaia ae a taekini b'ain te aonnaba ae bubure, ao a ongo kaaina i rouia.

1.Ioane 4:7

Ngkami aika kam tangiraki, ti na i tangitangiri: b'a mairoun te Atua te tangira; ao ane iai te tangira i rouna, ao e bungiaki mairoun te Atua, ao e ata te Atua.

1.Ioane 5:19

Ti ataira b'a mairoun te Atua ngaira, ao aomata aika aomatan te aonnaba ae bubure a mena i aani m'aakan teuare buakaka.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.