1.I-Korinto 5:1 - Te B'aib'ara

¹ A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

1.I-Korinto 5:1 ပူးပေါင်းရင်းမြစ်များ

Karikani B'aai 35:22

Ngke e maeka Iakob'a n te aba arei, ao e wene ni bure Reuben ma temanna buun tamana ni kewe are Nei Birea; ao e ongo Iakob'a, ao e un iai.

Karikani B'aai 37:2

ao aio karakinan ana utu Iakob'a. Ioteb'a, bon te ataei ni mm'aane ae tebwi ma itiua ana ririki, ao e kakawakiniia ana tiibu ma ana kooti tamana, ngaia ma tarina ake natin Nei Birea ma Nei Tireba aika buu ni kewe iroun tamana. E tua aia bure tarina akekei nakon tamana.

Karikani B'aai 49:4

Kanga ai aron te raanga n ran ae buriti airana ngkoe, Ma ko na aki rangi ni kakannato, B'a ko matu ma buu ni kewe Ko bon aki karinea ana kainiwene tamam.

2.Tamuera 16:22

Ao e katea ana autinrianna Abetarom i aon taubukin te bareti are e booraoi, ao a bane ni mataku aomata ngke rin nako ma buuia tamana nako nanon te autinrianna.

2.Tamuera 20:3

E a tia ni katikuia tengaun buun Tawita i Ierutarem b'a a na tararuaa te bareti. Ma ngke e a oki, e a manga anaia nakon te auti teuana, ao e katikuia tautia i rarikiia b'a a na tararuaia. E anganiia b'aai nako ake a tangiri, ma e bon aki roko n te reke ana tai ni mamatu i rarikiia. A na tiku ikekei ni karokoa tokin maiuia b'a kaanga aroia aine aika a tia ni mate buuia.

1.Rongorongo 5:1

Bon te karimoa te m'aane Reuben iroun Iakob'a, ma e bua nakoana ni karimoa i bukina ngke e matu ma temanna buun tamana. E a manga nako te karineaki ni karimoa mai rouna, ao e a manga anganaki Ioteb'a,

Ieremia 2:33

Kam rangi ni wanawana ngkana kam kakaaia ami tangira n te aro are kam konaa n anga ami reirei nakon te aine ae ainen matawa.

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Etekiera 22:10

A manga iein m'aane ma buun tamaia ke ma taian aine aika a aoraki n aine

Nakoaia Ibonga 18:8

Ko na tai kamamaaea tamam n iein ma temanna i buakoia buuna.

Nakoaia Ibonga 20:11

Boni kamaamaean tamam ngkana ko wenenibure ma neiene buuna ane temanna. Ma ngaia are, ngkami uoman kam na kamateaki, b'a anne ae kam bon kaantaningaia.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

M'akuri 15:29

kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

1.I-Korinto 1:11

B'a I kaongoaki taekami, tariu, irouia ana aomata Koroe, b'a iai taiani kauntaeka i buakomi.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

2.I-Korinto 2:5

Ma ngkana iai ane karika te rawawata, ao e aki karaoia nako iu, ma e karaoia nako imi; tao tiaki nako imi ni kabaneingkami, ma nakoia tabem'aang i buakomi, ao I atonga aei b'a I aki kani karawawata au taeka n ekianako.

2.I-Korinto 7:12

Ma ngaia aei, ngke I koroboki nako imi, ao I aki koroboki i bukin teuare karaoa are buakaka, ao I aki naba i bukin teuare e karaoaki ae buakaka nako ina; ma I koroboki b'a e na kaotaki nako imi i matan te Atua, aron nanomi ae korakora i bukira.

I-Karatia 5:19

A bon ataaki ana m'akuri nako te rab'ata, b'a te wene ni bure, te kammaira, te kaitataan,

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

Te Tua-Kaua 22:30

E na aki mare te m'aane ma buun tamana ni kawai. E na bon riki aei b'a karawawataan tamana.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

Te Kaotioti 2:21

ao I anganna ana tai are e na raira nanona iai man arona ni wene ni bure, ma e rawa ni kan rairaki man arona ni wene ni bure.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

1.Tamuera 2:24

Bon akea te b'ai ae I ongongo ma ti taekan ngureakinakimi irouia ana aomata te UEA.