1.I-Korinto 4:9 - Te B'aib'ara

⁹ B'a I taku n au iango b'a E a tia te Atua n anganira ngaira aika taan tuatua nera ae te kabanea mai buki, b'a kanga aomata ake a tia ni baireaki taekaia b'a a na kamateaki, ao ti riki b'a b'aai ni kamataku nakon te aonnaba nakoia anera ma aomata nako.

1.I-Korinto 4:9 ပူးပေါင်းရင်းမြစ်များ

Taian Areru 44:22

Ma ti kaitaraa ma te mate i bukim n taai nako, Ao ti riki b'a kanga tiibu aika nang kamateaki.

Taian Areru 71:7

E a riki maiu b'a te banna ni katoto nakoia aomata aika bati, i bukina b'a Ko a tia n riki b'a te tia kamanoai Ngkoe ae matoatoa.

Ieremia 20:18

E aera ngke I bungiaki? Tiaki ti i bukin te kamarakaki ao ni mate ma te kakamamaaeaki?

M'akuri 19:29

E buta aon te kaawa arei n te kiriwe, ao a tauaki irouia aomata Kaio ma Arititareko, aika I-M'aketonia, aika raoni B'auro ni m'am'ananga. A bane ni b'aina te nano ae ti teuana ni kanenei nakon te tabo are a bobotaki iai kaain te kaawa, ao a tauia uakekei.

M'akuri 19:31

A kanakoa naba nakoni B'auro aia rongorongo I-Atia tabem'aang, aika taan tautaeka aika raoraona, ao a tuangnga b'a e na aki kaoti n aia tabo ni bobotaki kaain te kaawa.

I-Rom 8:36

N ai aron are koreaki ni kaangai, “Ti tiringaki i bukim ni kabongnga; Ti atongaki b'a tiibu aika nang tiringaki b'a karea.”

1.I-Korinto 15:19

Ngkana arona b'a ti kaantaninga Kristo n ti te maiu aei, ao moa ni kananoanga ngaira i buakoia aomata ni kabaneia.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 6:9

ngke ti taekinaki b'a ti aki ataaki, ma ti bon ataaki irouia aomata nako; ngke aongkoa ti tabe ni mate, ao noria, ae ti boni maiu; ngke kanga ti kataereaki n reireiaki, ma ti aki mate;

1.I-Tetaronike 3:3

b'a e na tai riki n aki rau nanon temanna n taian rawawata aikai. B'a kam bon ataia b'a boni katauara b'a ti na ri nanon te rawawata.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 10:33

N taai tabetai kam taetaebuakaki ma ni b'ainikirinaki i mataia aomata b'a kanga b'aai ni kamataku; ao n tabetai kam raoniia ake a b'ainikirinaki n te aro aei.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.