1.I-Korinto 4:6 - Te B'aib'ara

⁶ Ao baikai, taari, I a tia ni kabonganai b'a taekau ma Aboro i bukimi, b'a kam aonga n reireiaki iai i roura nanon te taeka are kangai: “Tai ri aon taeka ake a koreaki.” b'a kam aonga n aki kamoamoa temanna b'a e raoiroi riki nakon temanna.

1.I-Korinto 4:6 ပူးပေါင်းရင်းမြစ်များ

Taian Areru 146:3

Tai onimakiniia aomata aika taani kairiri; akea te aomata ae kona ni kamaiu.

Taian Areru 8:4

Tera te aomata, ngkai Ko m'annanoia; bon ti taian rab'ata ngaiia, ao Ko ururingiia!

Itaia 2:22

Katoka onimakinan m'aakaia aomata. A na boni bane ni manga mate, ao a na kangaa ni buokingkami?

M'akuri 18:24

E roko i Ebeto te I-Iutaia temanna ae arana Aboro, ae bungiaki i Arekanria. Te tia taetae ngaia ae rabakau, ao e rangi n atatai n te B'aib'ara.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

I-Rom 12:3

I bukin te akoaki are I anganaki, ao aei au taeka nakoimi n tatabemaningkami nako: e na tai iango temanna i nanona ni kamoamoa i bon i rouna i aon ae riai; ma e na b'aina te iango raoi, ao e na kaetieta arona ma aron te onimaki are E a tia te Atua n tib'aia nakoia aomata nako.

1.I-Korinto 1:12

Ae I nanonna n au taeka aei bon aei: b'a kam kangai n tatabemaningkami nako, “Raoni B'auro ngai”; ke, “Raon “Aboro ngai”; ke, “Raoni Keeb'a ngai”; ke, “Raoni Kristo ngai.”

1.I-Korinto 1:19

B'a e koreaki ae kangai: “N na kamaunaa rabakauia akana rabakau, ao N na kaki wanawanaia akana wanawana.”

1.I-Korinto 1:31

n ai aron are koreaki ni kangai: “Ane kamoamoa, ao ke e kamoamoa iroun te UEA.”

1.I-Korinto 13:4

E taotaona nanona te tangira ao e atataiaomata; e aki babakantang te tangira; e aki tataetae ni karakaraka te tangira, ao e aki kainikatonga;

1.I-Korinto 3:19

B'a rabakaun aonnaba bon te nanobaba iroun te Atua. B'a e koreaki ae kangai: “E kam'aneia akana rabakau te Atua n aia iango n nanowanawana.”

1.I-Korinto 3:21

Ma ngaia ae e na tai taetae te aomata ni kamoamoa ana m'akuri temanna. B'a bon ami b'ai b'aai ni kabane:

1.I-Korinto 5:2

Ao kam kainikatonga! Tiaki b'a kam bon riai n nanokawaki? Ao te aomata are karaoa te aro aei e bon riai ni kam'awaki mai buakomi.

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

1.I-Korinto 9:23

I bane ni karaoi baikai i bukin te euangkerio, b'a e aonga n reke i rou tib'angau mani kab'aia ake iai.

2.I-Korinto 10:12

B'a ti maaku n atongira b'a raoia te koraki ake a kamoamoaai aroia, ke ni kabotauia ma boni ngaiia, ao a nanobaba.

2.I-Korinto 10:15

Ti aki kamoamoaira n aia m'akuri tem'angina are a karaoia i tinanikun te tia are E a tia te Atua ni baireia nako ira; ma bon ara kaantaninga b'a ngkana e rikirake ami onimaki, ao ara m'akuri e na karababaki riki i buakomi n ai aroni baireana.

2.I-Korinto 10:7

Kam babaire man taraan aron teini b'aai. Ngkana e koaua i nanona te aomata b'a ana b'ai Kristo ngaia, ao ke e kauringnga b'a ngkai ana b'ai Kristo ngaia, ao ngaira bon ana b'ai naba Kristo.

2.I-Korinto 11:4

B'a ngkana e roko temanna i roumi n taekina Iesu riki temanna are tiaki Ngaia are ti taekinna, ke ngkana kam anganaki te Tamnei ae kaokoro ae tiaki Ngaia are kam anganaki, ke te euangkerio are tiaki naba ngaia are kam anganaki, ao kam konamaki n taotaon nanomi nako ina.

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

2.I-Korinto 12:6

B'a ngkana tao I kani kamoamoaai, ao I aki baba iai, b'a te bae N na taekinna bon te koaua. Ma I aki karaoia b'a e kawa n raka aron iangoau iroun te aomata i aon are e noria i rou ao are e ongo mai rou.

2.I-Korinto 4:15

B'a bon i bukimi baikai ni kabane; ao ngkai a bati riki aomata aika kamaiuaki n ana akoi te Atua, ao a na kabati riki tataro ni katituaraoi i bukin neboan te Atua.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

1.I-Tetaronike 1:5

b'a te euangkerio are ti taekinna e aki roko i roumi n ti te taeka, ma e roko naba n te m'aaka, ao iroun te Tamnei are Raoiroi, ao n te aki-nanokokoraki naba teutana; n ai aromi ngkai kam bon atai arora ni menara i buakomi i bukimi.

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.