1.I-Korinto 4:19 - Te B'aib'ara

¹⁹ Ma e aki maan ao N na roko i roumi, ngkana nanon te UEA, ao N na ata raoi m'akaia aomata akana kainikatonga akanne; ma akea nanou n aia taeka.

1.I-Korinto 4:19 ပူးပေါင်းရင်းမြစ်များ

M'akuri 18:21

ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

M'akuri 20:2

Ngke e tia n ri nukan aaba akekei, ni kaungaia ake a onimaki n taeka aika bati, ao e roko i Erene.

I-Rom 15:32

Ngkana I tia ni karaoa aei, ao N na nakoimi ma te kukurei, ngkana nanon te Atua, ao e na rangi n nako raoi arou n tiku ni motirawa i buakomi.

1.I-Korinto 11:34

Ngkana iai ae baki i buakomi, ao a riai n am'arake n aia auti, b'a kam aonga n aki motikaki taekami iroun te Atua ngkana kam bootaki. Ao i bukin b'aai riki ake tabeua, I a bon kaeti ngkana I roko ikanne.

1.I-Korinto 14:5

I tangiringkami b'a kam na taetae n taetae aika aki ataaki, ma e a raoiroi riki ngkana kam taetae ni burabeti. E bongana riki te aomata ane taetae ni burabeti nakon ane taetae n taetae aika aki ataaki; ma ti ngkana iai ae kona ni kab'arab'ara nanon ana taeka b'a e aonga n reke kateimatoan te ekaretia iai.

1.I-Korinto 16:5

N na roko i roumi ngkana I tia n ri nuukani M'aketonia; b'a ae N na ri nuukani M'aketonia;

1.I-Korinto 16:7

B'a I tangira riki ae N na kawaringkami rimwi ni kamaanai i roumi, ngkana nanon te UEA, nakon ae N na kawaringkami ngkai ao e kimototo au tai i rarikimi.

1.I-Korinto 2:6

Ma ti kabongana te taeka n rabakau i buakoia aomata aika ikawai n aia onimaki; ma tiaki rabakaun aon te aba ke rabakauia taan tautaeka i aonnaba, aika te koraki aika nangi mauna mataia.

1.I-Korinto 4:18

Iai tem'angina i buakomi aika kainikatonga i bukin aia iango are a taku b'a N na aki nako imi.

1.I-Korinto 4:6

Ao baikai, taari, I a tia ni kabonganai b'a taekau ma Aboro i bukimi, b'a kam aonga n reireiaki iai i roura nanon te taeka are kangai: “Tai ri aon taeka ake a koreaki.” b'a kam aonga n aki kamoamoa temanna b'a e raoiroi riki nakon temanna.

2.I-Korinto 1:23

I atonga te Atua b'a au Tia Kakoaua are na karekea kaiu ngkana I kewe; b'a I aki roko i Korinto i bukina b'a I aki kani karawawataingkami.

2.I-Korinto 10:9

ngkai I aki tangiringkami b'a kam na taraai b'a aongkoa I kataia ni kakamakuingkami n au reta.

Ebera 6:3

Ao ti na karaoa aei, ngkana E kariaia te Atua.

Iakobo 4:15

Ma te bae kam riai n atongnga, e kaangai, “Ngkana nanon te Uea, ao ti na maiu, ao ti na karaoa te baei ke te baerei.”