1.I-Korinto 4:15 - Te B'aib'ara

¹⁵ B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

1.I-Korinto 4:15 ပူးပေါင်းရင်းမြစ်များ

Warekaia Iteraera 11:12

ao bon tiaki natiu. Ko tuangai b'a N na tabeakiniia, ma ni kairiia nakon te aba are Ko berita iai nakoia aia bakatibu.

I-Rom 15:20

I kekeiaki n tataekina te euangkerio tiaki n taabo ike e a tia n roko iai taekani Kristo, b'a N na aki reita nako te m'akuri are e a tia ni moanaki i m'aiu iroun temanna.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 15:1

Taari, I a manga tuangngkami te euangkerio are I taekinna nako imi, are kam kaki naba i nanomi, are kam tei naba iai,

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 3:6

I uniki aroka ngai, ao e teboki Aboro; ma ana b'ai te Atua karikirakeani maiun te aroka.

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

1.I-Korinto 9:12

Ngkana iai aia riai tem'angina ni karekei tib'angaia n ami b'ai, ao tiaki e a moamoa riki ara riai ni karekei tib'angara n ami b'ai? Ma e boni ngae n anne, ma ti a tia n aki b'aina arora aei nako imi; ma ti taotaon nanora nakoni b'aai nako b'a ti aonga n aki tutuka kawain Euangkerion Iesu Kristo.

1.I-Korinto 9:14

Ao ai arona naba nakoia te koraki ake a tataekina te euangkerio, b'a E tua te UEA b'a a riai ni kareke baika kainanoi i bukini maiuia man aia m'akuri n tataekina te euangkerio.

1.I-Korinto 9:16

B'a ngkana I tataekina te euangkerio, ao bon akea bukin ae N na kamoamoa iai, b'a I katabeaki iai b'a I bon riai n tataekinna. E na reke kaiu ngkana I aki tataekina te euangkerio!

1.I-Korinto 9:18

Tera ngkanne kaniwangau iai? Bon te tataekina te euangkerio n akea boona, ao te aki b'aini baike a bon riai n reke nako iu n au m'akuri i bukin te euangkerio.

1.I-Korinto 9:23

I bane ni karaoi baikai i bukin te euangkerio, b'a e aonga n reke i rou tib'angau mani kab'aia ake iai.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

I-Karatia 3:24

Ma ngaia ae e riki te Tua b'a te tia reireiniira arora ni karokoa ae E roko Kristo, b'a aonga n reke reitakira ma te Atua n te onimaki.

I-Karatia 3:25

Ma ngkae e a roko te onimaki, ao ti a aki manga mena i aan ana kairiri te tia reireiniira.

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Tito 1:4

nakon Tito, ae natiu ni koaua n te onimaki are ti buokanib'ai iai: am b'ai te akoaki ma te raoiroi mairoun te Atua ae te Tama ma Kristo Iesu are ara Tia Kamaiu.

Biremon 1:19

I a korea aei n tabonibaiu: Ngai ae B'auro, N na kaboa mwina nako im. Tiaki te b'ai ae riai i rou b'a N na taekina nako im ae ko bae i rou i bukini maium ni Kristian.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.