1.I-Korinto 4:12 - Te B'aib'ara

¹² ao akea motirawara ni m'akuri ma baira. Ngkana a taetae n iowawa aomata nako ira, ao ngaira ti taetae ni kakab'aiaia; ngkana ti b'ainikirinaki, ao ti taotaon nanora.

1.I-Korinto 4:12 ပူးပေါင်းရင်းမြစ်များ

Mataio 5:11

“Kam a kab'aia ngkana a taetaebuakaingkami aomata, ma ni b'ainikiriningkami, ma n atonga te taetae ae kewe ae buakaka b'a taekami i bukin ae au aomata ngkami.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

Ruka 6:28

Kakab'aiaia akana a taetae ni kamaraiaingkami, ao tataro i bukiia akana a karaoa ae buakaka nako imi.

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

M'akuri 18:3

ao e mamaeka ma ni m'akuri ma ngaiia, b'a kioina ngke ti te bo nakoaia: b'a taani karaoi um'anrianna ngaiia.

M'akuri 20:34

Kam bon ataia b'a baiu aikai, ngaiia aika m'am'akuri ni kareke baika I kainanoi, ao ni kareke naba baika a kainanoi aomata ake a mena i rou.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

I-Rom 12:14

Kam na taetae ni kakab'aiaia akana b'ainikiriningkami; taetae ni kakab'aiaia, ao tai atongi taeka aika a na reke kaiia iai.

I-Rom 12:20

Ma kam na karaoa are taekinaki ni kaangai: “Ngkana e kan am'arake te tia ribaiko, ao kaam'arakea; ao ngkana e kani moi, ao kamoiia; b'a ngkana arom anne, ao ai aron ae ko ikoikoti m'akaron te ai i aon atuna iai.”

I-Rom 8:35

Antai ae na karaureira ma tangirara irouni Kristo? Te rawawata, ke te maraki, ke te b'ainikirinaki, ke te rongo, ke te aki-kunnikaiaki, ke te kabuanib'ai, ke te mate?

1.I-Korinto 9:6

Ke ti ngai ma B'arenaba aika ti na m'akuri ni karekei baika ti kainanoi i bukini maiura?

2.I-Korinto 11:8

Kanga aron ae I kurib'aia ekaretia tabeua ngke I anaa bon au m'akuri mai rouia i bukimi.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

2.I-Tetaronike 3:8

ao ti aki n ae ti am'arake ao ti aki kabooa karara mairoun are ti karekea i rouna. Ma ti rangi ni kakorakoraira ni m'akuri n te bong ao n te ngaina, b'a ti aonga n aki karawawata temanna i buakomi.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

1.Betero 3:14

Ma ngkana kam boni maraki i bukini karaoan nanon te Atua, ao kam a kab'aia. Kam na tai makuia, ao a na tai kakiriweaki nanomi.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

Iuta 1:9

Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”