1.I-Korinto 4:10 - Te B'aib'ara

¹⁰ Ti baba i bukini Kristo, ma kam wanawana i Rouna. Ti mamara, ma kam korakora. Kam karineaki, ma ti aki karineaki.

1.I-Korinto 4:10 ပူးပေါင်းရင်းမြစ်များ

2.Uea 9:11

E okirikaaki Ieu nakoia ana mataniwi, ao e titirakinna temanna ao e taku, “Tera ae e tangiria te burabeti are e baba arei? Iai te kaangaanga?” E kaeka Ieu ao e taku, “Kam bon ataia ao kam ataa naba aron taetaena.”

Taeka n Rabakau 11:12

Bon te nanobaba taekinan b'aai aika a buakaka i bukiia kaain rarikimi. Ngkana kam iangoraoi, ao kam riai n aki kakarongoa.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Mataio 24:9

Ao ngkana a riki baikanne, ao ane a na anga ngkami b'a kam na karawawataki, ao ane a na kamateingkami; ao ane kam na ribaki irouia botannaomata ni kabaneia i bukin arau.

Mataio 5:11

“Kam a kab'aia ngkana a taetaebuakaingkami aomata, ma ni b'ainikiriningkami, ma n atonga te taetae ae kewe ae buakaka b'a taekami i bukin ae au aomata ngkami.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 18:9

E taekina naba te rongorongo ni kabotau aei Iesu nakoia tabem'aang ake a taku i nanoia b'a a raoiroi, ao a kakeai bonganaia aomata nako:

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

M'akuri 26:24

Ngke e taetae B'auro ni kaitarai taekani bukinana n te aro arei, ao e takarua Beteto ao e taku, “B'auro, ko rangirang! E karangirangko mwin am wareware ni booki aika bati.”

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

1.I-Korinto 1:25

B'a e rabakau riki nanobaban te Atua nakon rabakauia aomata; ao e korakora riki mamaran te Atua nakoni korakoraia aomata.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.I-Korinto 2:3

Ma ngaia are ngke I roko i roumi, ao I mamara ma n rurubenebene ni maaku.

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 3:2

I kamoingkami n te miriki, ao I aki anganingkami te am'arake ae matoatoa; b'a kam tuai n tau nako iai, ao kam tuai naba ngkai n tau n anganaki,

1.I-Korinto 4:8

Kam a kaman rauaki! Kam a kaman riki b'a kaub'ai ngkami! Kam a tia n riki b'a uea, ao ngaira b'a aomata aika akea wareia. Kam bia bon riki b'a uea ngkami, b'a ti aonga n uea naba ma ngkami.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

2.I-Korinto 11:19

B'a kam kukurei n taon nanomi nakoia akana nanobaba, ngkai kam wanawana!

2.I-Korinto 11:29

Antai ae mamara, ao I aki mamara? Antai ae kab'akaki nakon te bure, ao e aki maraki nanou iai?

2.I-Korinto 13:9

B'a ti kukurei ngkana ti mamara, ao ngkami kam korakora; ao bon ara tataro naba aei i bukimi b'a kam na nako raoi n aromi.

2.I-Korinto 4:12

Ma ngaia ae e m'am'akuri te mate i nanora, ma te maiu i nanomi.

2.I-Korinto 6:8

Ti karineaki ao ti kamamaaeaki, ti uaraoaki ao ti kamoamoaki. Ti atongaki b'a tani bureburea te aba, ma bon taan taekina te koaua ngaira;

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.