1.I-Korinto 3:5 - Te B'aib'ara

⁵ B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

1.I-Korinto 3:5 ပူးပေါင်းရင်းမြစ်များ

Mataio 25:15

E angan temanna nimaua te tarena, ao temanna uoua, ao temanna teuana; e angania nako n ai aron aia konab'ai.

Ruka 1:2

ao a reke aia rongorongo mairouia te koraki ake a tia n nori baikai mai moana, ake taan tataekina te euangkerio;

Ioane 3:27

E kaekaia Ioane ao e taku, “Akea te b'ai ae kona n riki nakon te aomata, ma ti ngkana E karaoia te Atua b'a e na riki.

M'akuri 18:24

E roko i Ebeto te I-Iutaia temanna ae arana Aboro, ae bungiaki i Arekanria. Te tia taetae ngaia ae rabakau, ao e rangi n atatai n te B'aib'ara.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 16:12

Ao i bukin tarira are Aboro: I kairoroa b'a e na nako imi ma taari aikai, ma akea nanona ni kan nako imi ngkai. E a bon tai nakowati ngkana e reke ana tai.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 3:22

B'a tao B'auro, ke Aboro, ke Keeb'a, ke aonnaba, ke te maiu, ke te mate, ke baika boou, ke baika na roko; ami b'ai ni kabane baikai,

1.I-Korinto 3:7

Ma ngaia ae e aki kakawaki te aomata are unika te aroka, ao te aomata naba are tebotebokia; ma E kakawaki te Atua b'a Ngaia are karikirakea maiun te aroka.

1.I-Korinto 9:17

B'a ngkana I karaoa aei i bukin ae I boni kani karaoia, ao e na reke iai boon au m'akuri; ma ngkana I karaoia i bukina b'a tiaki oin nanou, ao I karaoia b'a bon au m'akuri ae I anganaki b'a N na karaoia.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 3:6

are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

2.I-Korinto 5:18

Baikai ni kabane boni mairoun te Atua, are raoiakinira nako Ina irouni Kristo, ao E anganira te nakoa n raoi.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

I-Ebeto 3:7

are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:25

are I riki iai b'a te tia m'akuri n ai aron te nakoa are I anganaki mairoun te Atua i bukimi, b'a N na kabanea ana taeka te Atua n taekin,

1.Timoteo 1:12

I katituaraoa Teuare kakorakoraai, are Kristo Iesu are ara Uea, b'a E atongai b'a I kakaonimaki, ngkae E rineai b'a te tia m'akuri i bukina.

1.Betero 4:10

Ngkai kam anganaki b'aai n tituaraoi n tatabemaningkami nako, ao kam na kamanenai i bukin temanna ma temanna, n ai aroia touati aika raraoi n ana b'ai n akoi aika kakaokoro te Atua: