1.I-Korinto 3:23 - Te B'aib'ara

²³ ao ana b'ai Kristo ngkami, ao ana b'ai te Atua Kristo.

1.I-Korinto 3:23 ပူးပေါင်းရင်းမြစ်များ

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Ioane 17:18

B'a arom ngke Ko kanakomaiai nako aon te aba, ao ai arou naba, I a manga kanakoia nako aon te aba.

Ioane 17:21

b'a a na bane n riki n teuana; n ai arora, ngkai Ko mena i nanou, Tamau, ao Ngai i nanom: b'a a na mena naba i nanora, b'a e aonga ni kakoaua te aba b'a Ko kanakomaiai.

I-Rom 14:8

B'a ngkana ti maiu, ao ti maiu i bukin te UEA, ao ngkana ti mate, ao ti mate naba i bukin te UEA. Ma ngaia ae ngkana ti maiu ke ti mate ao ana b'ai naba te UEA ngaira.

1.I-Korinto 11:3

Ma I tangiringkami b'a kam na ataia b'a atun te mm'aane boni Kristo, ao atun te aine bon te mm'aane, ao atuuni Kristo bon te Atua.

1.I-Korinto 15:23

Ma iai bairean temanna ma temanna ngkana e a manga kamaiuaki mai buakoia maate: b'a Kristo moa, ao rimwi te koraki ake a onimakinna ngkana E roko;

1.I-Korinto 15:28

Ma ngkana a kabaneaki b'aai ni kakiaki i aani m'aakani Kristo, ao Ngaia ae te Nati E na kakiaki naba i aani m'aakan Teuare kabane b'aai ni kaki i aan te Nati, b'a E aonga n ataaki te Atua b'a Atuaia aomata nako, ao Atuani b'aai ni kabane.

1.I-Korinto 7:22

B'a te toro ae weteaki iroun te UEA, bon ana aomata te UEA, ae e kainaomataki; ao ai aron naba te aomata ae inaomata, ae weteaki, b'a bon ana toro te UEA.

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

2.I-Korinto 10:7

Kam babaire man taraan aron teini b'aai. Ngkana e koaua i nanona te aomata b'a ana b'ai Kristo ngaia, ao ke e kauringnga b'a ngkai ana b'ai Kristo ngaia, ao ngaira bon ana b'ai naba Kristo.

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.