1.I-Korinto 3:18 - Te B'aib'ara

¹⁸ E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 3:18 ပူးပေါင်းရင်းမြစ်များ

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Taeka n Rabakau 3:5

Ko na onimakina te UEA ma nanom ni kabane ao tai onimakina ana babaaire nanom.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Taeka n Rabakau 5:7

Natiu te m'aane, ongora irou ao karaoi b'aai ni kabane aika I taekin.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 5:21

Kam taku b'a kam wanawana man rarabakau.

Ieremia 37:9

Ko na aki kananobabako n iangoia b'a a na manga oki nako naba kaain B'aburon n aroia are rimoa.

Ieremia 8:8

Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 18:4

Ane kamangoria n ai aron te teei aei, ao boni ngaia ae te kabanea ni kakannato n Uean te Atua.

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Ruka 18:17

E koaua ae I tuangngkami, b'a ane aki butim'aea Uean te Atua n ai aron te teei ae uarereke, ao e na bon aki kona n rin iai.”

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 12:16

Kam na kabobo nanomi. Tai b'aina te nano ni kani kakannato riki nakoia tem'angina, ma kam na kukurei n i raorao ma akana mangori. Tai iangoingkami b'a kam wanawana.

1.I-Korinto 15:33

Kam na tai burebureaki. “Aaro n i raorao aika buakaka a uru aroaro aika riai.”

1.I-Korinto 3:17

Ngkana e urua ana um'antabu te Atua te aomata, ao ngaia e na uruaki iroun te Atua: b'a e tabu ana um'antabu te Atua, are boni ngkami.

1.I-Korinto 4:10

Ti baba i bukini Kristo, ma kam wanawana i Rouna. Ti mamara, ma kam korakora. Kam karineaki, ma ti aki karineaki.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

I-Karatia 6:7

Kam na tai burebureaki; E aki konaaki ni m'am'anaki te Atua: b'a te bae e unikia te aomata, ao e na manga anaa naba uaana.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

1.Ioane 1:8

Ngkana ti taku b'a akea ara bure, ao ti burebureira, ao e aki mena te koaua i nanora.