1.I-Korinto 3:17 - Te B'aib'ara

¹⁷ Ngkana e urua ana um'antabu te Atua te aomata, ao ngaia e na uruaki iroun te Atua: b'a e tabu ana um'antabu te Atua, are boni ngkami.

1.I-Korinto 3:17 ပူးပေါင်းရင်းမြစ်များ

Karikani B'aai 28:17

Ao e maaku, ao e taku, “Ai kakamaaku ra te tabo aei! Bon Ana auti te Atua te tabo aei; bon te mataroa nako karawa.”

1.Rongorongo 29:3

I rarikin karaoan baikai ni kabane, ao I a tia ni berita b'a n na anga iteran au koora ma au tirewa b'a kaotan nanou i bukin karaoan ana Tembora te UEA.

Taian Areru 74:3

Ko na nakonako n toutou aoni baika urubekebeke aikai; A urui b'aai ni kabane n te Tembora ara kairiribai.

Taian Areru 79:1

Te Atua, a roko baronga tabeua n ninia Abam. A kam'araea am Tembora are Tabu ao a urubekebekea aon Ierutarem.

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Te Otinako 3:5

Ao E kaeka te Atua, “Ko na aki rangi ni kaaniiko. Buuta am kauniwae mai waem b'a e tabu te tano ane ko tei i aona.

Itaia 64:11

E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

Etekiera 43:12

A na riai ni katabuaki te tabo are e mena iai te Tembora i aon te maunga are e tabu! Bon aei te kabanea ni kakawaki n tua i bukin te Tembora.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 7:22

Ane a na ninia au Tembora ma ni katikua b'a te tabo ae e aki tau i bukin taromauriau, ma N na bon tannako b'a e na bon aoria n riki anne nako ia.

Nakoaia Ibonga 15:31

Ao te UEA, E tuanga Moote b'a e na kauringiia Iteraera i bukin aia bure, b'a a aonga n aki kamatauninga ana Um'antabunrianna te UEA, are e mena i nukan te maeka. B'a ngkana a kamatauninga ana Um'antabunrianna te UEA, ao a na tiringaki.

Nakoaia Ibonga 20:3

A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Warekaia Iteraera 19:20

Ngkana kam kam'ara, ao kam rawa ni kaitiakaki n tebokaki n te ran are e renganaki ma te mannang, ao kam na boni bure iai ni kam'araea au Um'antabunrianna, ao kam na aki manga atongaki b'a Iteraera

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.