1.I-Korinto 3:14 - Te B'aib'ara

¹⁴ Ngkana e tiku n arona ana kateitei te aomata i aona, ao e na anganaki kaniwangana.

1.I-Korinto 3:14 ပူးပေါင်းရင်းမြစ်များ

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

1.I-Korinto 9:17

B'a ngkana I karaoa aei i bukin ae I boni kani karaoia, ao e na reke iai boon au m'akuri; ma ngkana I karaoia i bukina b'a tiaki oin nanou, ao I karaoia b'a bon au m'akuri ae I anganaki b'a N na karaoia.

I-Karatia 6:4

Ma a na kataa oin aia m'akuri aomata n tatabemaniia nako b'a a uara, ao ane e na kamoamoa te aomata i nanona n ti ngaia n are e a tia ni karaoia. E na aki kabotaua are e karaoia ma are e karaoia temanna.

1.I-Tetaronike 2:19

B'a tera ara kaantaninga, ao ara kim'areirei, ao te baunuea ae ti na kamoamoaira iai? Tiaki boni ngkami i matan ara Uea are Iesu n rokona?

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.