1.I-Korinto 3:12 - Te B'aib'ara

¹² Ngkana e kateitei te aomata i aon aana aei, n te koora, ke n te tirewa, ke n atibu aika kakawaki, ke n te kai, ke n te uteute, ke n te maange,

1.I-Korinto 3:12 ပူးပေါင်းရင်းမြစ်များ

Taian Areru 119:72

E manena riki nako iu am Tua are Ko anga, nakoni manenan te kaub'ai ae bati i aonnaba.

Taian Areru 19:10

E korakora riki kani karekeaia nakoni kani karekean te koora ni koaua; E raka riki reken te kukurei mai iai nakon te kukurei ae reke mani kanakin aia karewe manibeeru ae moan te kangkang.

Te Otinako 5:12

Ao a nakonako toro i aon Aikubita ni kabutaa ni kakaaea te uteute.

Taeka n Rabakau 16:16

E rangi n raoiroi b'a kam na wanawana ma ni iango raoi nakon ae kam na kaub'ai.

Taeka n Rabakau 30:6

Tai manga bita te b'ai ae e a tia n taekinna te Atua! E na kaetiko mani katereterea nakoim b'a te tia kewe ngkoe.

Taeka n Rabakau 8:10

Ke a riki taian reirei ma taian rabakau b'a baika a uaana riki nakoim nakon te koora ae te kabanea n itiaki ke te tirewa.

Itaia 60:17

N na uoti nakoim te buraonti ma te biti n onea mwiin te kai ma te atiibu; ao n onea mwiin te buraonti ma te biti, N na uota nakoim te koora ma te tirewa. N na rinea te rau ma te motiraoi b'a taan tautaeka ao taan kairiiri.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 3:11

B'a akea riki aana ae e kona ni kawenea temanna i rarikin are e a tia ni kaweneaki, are Iesu Kristo.

1.I-Korinto 3:13

ao ane e na noraki mwin ana m'akuri temanna ma temanna b'a aekara n te bong arei: b'a e na kaotaki n te ai are na katai aia m'akuri nako b'a ua ra.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

1.Timoteo 6:3

Ngkana iai temanna ae reireiia aomata te koaua ae kaokoro, ao e aki boraoi nanona ma taeka ni koaua aika ana taeka ara Uea are Iesu Kristo, ao e aki boraoi naba ma koauan te Aro ni Kristian,

2.Timoteo 2:20

A mena i nanon te auti ae ab'ab'aki tiaki ti m'angko aika karaoaki mani koora ao tirewa, ma iai naba aika karaoaki mani kaai ma taano; iai tabeua i buakoia aika b'aini botaki aika kakannato, ao tabeua a kabonganaki n taai n aki akaaka.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

2.Timoteo 3:7

Aine aika aki toki ni kani karekei rabakauia, ma e bon aki kona n reke i rouia ataakin te koaua.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Te Kaotioti 21:18

E karaoaki nonona n te iatebi, ao te kaawa n te koora, ae ai aron te kiraati ae itiaki.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.