1.I-Korinto 3:10 - Te B'aib'ara

¹⁰ N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 3:10 ပူးပေါင်းရင်းမြစ်များ

2.Rongorongo 2:12

Kamoamoa te UEA ae Atuan Iteraera are E karaoa karawa ma aonnaba! E a tia n angan Tawita natina te m'aane ae e aki ti rabakau ma ni m'aatai, ma iai naba rabakauna ni karaoa te Tembora i bukin te UEA ao ni karaoa naba te bareti bon i bukina.

Te Otinako 36:4

n tokina a katoka aia m'akuri aomata nako

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Taeka n Rabakau 9:1

E a tia te Wanawana ni katea ana auti ae itiai bouana.

Te Minita 12:9

Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Mataio 24:45

Antai ngkanne te toro ae kakaonimaki ae wanawana, ae kateaki iroun ana toka b'a e na teiakiniia kaain ana auti te toka anne n anganganiia kanaia n aia tai?

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

Ruka 11:35

Ma ngaia ae ko na taraia raoi ngkanne b'a te oota ane i nanom tiaki te roo.

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

M'akuri 18:27

A kaungaa nanon Aboro taari ngke e kan nako Akaia, ao a koroboki nakoia ake a onimaki ikekei b'a a na m'aneia n akoia; ao ngke e roko, ao e korakora ana i buobuoki nakoia ake a tia n riki b'a taan onimaki n ana akoi te Atua:

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 12:3

I bukin te akoaki are I anganaki, ao aei au taeka nakoimi n tatabemaningkami nako: e na tai iango temanna i nanona ni kamoamoa i bon i rouna i aon ae riai; ma e na b'aina te iango raoi, ao e na kaetieta arona ma aron te onimaki are E a tia te Atua n tib'aia nakoia aomata nako.

I-Rom 15:15

Ma n te reta aei ao I a tia n ninikoria n taekini b'aai tabeua aika I a tia ni kauringngkami iai. I ninikoria n taekin i bukina b'a E a tia te Atua n ana akoi ni karikai

I-Rom 15:20

I kekeiaki n tataekina te euangkerio tiaki n taabo ike e a tia n roko iai taekani Kristo, b'a N na aki reita nako te m'akuri are e a tia ni moanaki i m'aiu iroun temanna.

1.I-Korinto 3:11

B'a akea riki aana ae e kona ni kawenea temanna i rarikin are e a tia ni kaweneaki, are Iesu Kristo.

1.I-Korinto 9:2

Ngkana a aki kinai tem'angina b'a te tia tuatua ngai, ma kam boni kinai b'a te tia tuatua ngai nako imi; b'a boni kakoauan nakoau ngkami b'a te tia tuatua ngai i bukin te UEA.

2.I-Korinto 10:15

Ti aki kamoamoaira n aia m'akuri tem'angina are a karaoia i tinanikun te tia are E a tia te Atua ni baireia nako ira; ma bon ara kaantaninga b'a ngkana e rikirake ami onimaki, ao ara m'akuri e na karababaki riki i buakomi n ai aroni baireana.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

I-Korote 4:17

Ao kam na kangai nakon Arekibo, “Ko na tarataraa am m'akuri are ko anganaki i bukin te UEA, b'a ko na katia karaoana.”

1.I-Tetaronike 3:2

ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;

1.Timoteo 4:16

Ko na tarataraiko n arom ni maium, ao tarataraa kanoan am reirei. Ko na kakaraoi baikai; b'a ngkana ko karaoa aei, ao ko na kamaiuaki iai ma ake a ongo i roum.

2.Timoteo 2:15

Ko na kakorakorako ni kani kaotiko nakon te Atua b'a te tia m'akuri ni koaua ae ko kakoauaki i mwini kataakim, ae te aomata ae ko aki mamaamaa, ae e eti raoi am reirei i aon taekan te koaua.

Iakobo 3:1

Tariu, kam na tai riki b'a taan reirei aika bati, ngkai ti ataia b'a ngaira aika taan reirei e na reke iroura motikan taekara ae rawawata riki.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

2.Betero 3:15

Kam na tara taotaonan nanon ara Uea b'a te kawai i bukini kamaiuami, n ai aron are e koroia naba nakoimi tarira are tangiraki are B'auro, n ai aron te rabakau are e anganaki.

Te Kaotioti 21:14

E kateaki te nono aei i aon aana aika tebwi ma uoua, aika koreaki i aoia aara aika tebwi ma uoua aika araia taan tuatua ake tengauni ma uoman, ake ana tia tuatua te Tiibuteteei.

Te Kaotioti 21:19

A katamaroaaki aan nonon te kaawa arei n atibu nako aika kakawaki: moan aana n te iatebi, ao aana are te kauoua n te tabeiro, ao are te katenua n te kareketona, ao are te kaaua n te timaraketo;