1.I-Korinto 2:6 - Te B'aib'ara

⁶ Ma ti kabongana te taeka n rabakau i buakoia aomata aika ikawai n aia onimaki; ma tiaki rabakaun aon te aba ke rabakauia taan tautaeka i aonnaba, aika te koraki aika nangi mauna mataia.

1.I-Korinto 2:6 ပူးပေါင်းရင်းမြစ်များ

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 12:19

E karinanoi nanoia ibonga, ao aomata aika iai te m'aaka i rouia.

Iobi 12:21

E kamamaaia aomata aika taui taian nakoa aika rietaata, ao E katoki korakoraia taan tautaeka.

Taian Areru 146:4

Ngkana a mate, ao a okira te tano; n te bong are a mate iai, ao a mauna baike a tia n iaiangoi.

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taian Areru 37:37

Kam'ataua raoi taraan te aomata ae e raoiroi ae b'aina te eti: b'a iai ana kariki te aomata ae rau maiuna;

Itaia 40:23

E karuoia taan tautaeka te Atua ao E karaoia b'a baika akea manenaia.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 19:21

E taku Iesu nako ina, “Ngkana ko kan riki ni moan te raoiroi, ao ko na nako ni kabo nako am b'ai akana iai i roum, ao booia, anganiia akana akea aia b'ai, ao ane na reke i roum iai am b'ai i karawa. Ao nako mai, irirai.”

Mataio 5:48

Ma ngaia ae kam na moanibaan te raoiroi, n ai aron Tamami are i karawa ngkai moanibaan te raoiroi.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

1.I-Korinto 1:28

E rinei b'ain aon te aba te Atua aika atongaki b'a a mangori ma n akea bonganaia, ma baika tiaki oi ni b'ai, b'a E na kamaunai baika atongaki b'a oi ni b'ai.

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 2:1

Ao ngai, taari, ngke I roko i roumi n taekina te baere raba are mairoun te Atua, ao I aki kamanenai taeka aika N na atongaki iai b'a iai i rou te rabakau n taetae ma te ataib'ai.

1.I-Korinto 2:13

Ma ngaia ae ti na aki kabonganai taeka aika ti karekei man te rabakau n aomata ngkana ti taetae, ma ti na kabonganai taeka aika ti reireiaki iai iroun te Tamnei ngkana ti kab'arab'arai ana koaua te Atua nakoia ake iai Tamnein te Atua i rouia.

1.I-Korinto 2:8

Akea irouia taan tautaeka n te aonnaba aei ae ata te rabakau aei. B'a ngke a ataia, ao a na bon aki kamatea n te kaibangaki te UEA, are ana b'ai te neboaki.

1.I-Korinto 3:1

Ao ngai, taari, I aki kona n taetae nako imi ngke arona b'a aomata ngkami aika iai i roumi Tamnein te Atua, ma I taetae nako imi b'a aomata ngkami aika ana b'ai te aba, i bukina b'a ai aroia merimeri ngkami n aromi n onimakina Kristo.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 4:3

Ao ngkana e rabunaki ara euangkerio, ao e rabunaki nakoia ake a nangi mate;

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.

Ebera 6:1

Ma ngaia ae ti na aki toki ni baike ti moa n reireiaki iai n taekan Kristo, ma ti na waki rake nakon reirei n ikawai; ao ti na tai manga titiku n taekani baika kam moa n reireiaki iai, ake taekan te rairan nano mani m'akuri aika akea uaaia, ao taekan onimakinan te Atua,

Iakobo 3:15

Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami