1.I-Korinto 2:15 - Te B'aib'ara

¹⁵ Ane E memena i rouna Tamnein te Atua, ao e kona neneri aroni b'aai nako b'a a bongana ke a aki; ma akea ae e kona n nenera arona;

1.I-Korinto 2:15 ပူးပေါင်းရင်းမြစ်များ

2.Tamuera 14:17

I a konaa ni motirawa raoi ngkai b'a ko a tia ni baairea arona. Ko ataa kaokoron te eti ma te kaairua n ai aron Ana anera te Atua, ao au tataro b'a e na meemena iroum te UEA ae Atuam.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taeka n Rabakau 28:5

A aki ataa te babaaire ae eti aomata aika taani bure, ma a atai raoi aomata aika a karinea te UEA.

Te Minita 8:5

Ko na aki reereke n te kaangaanga ngkana ko ongotaeka iroun te uea. Ma ngaia are, ko na tim'aati, ao reireiniko arom ae ko riai ni karaoia, ao karaoia.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

M'akuri 16:3

E tangiria B'auro b'a e na kairiia b'a raona, ma ngaia are e korotabonim'aneia. E karaoa aei B'auro i bukina b'a a bane n ataia I-Iutaia ake a maeka n taabo akekei b'a te I-Erene taman Timoteo.

1.I-Korinto 14:37

Ngkana e taku temanna b'a te burabeti ngaia, ke e taku b'a iai i rouna te b'ai n tituaraoi are mairoun te Tamnei, ao ke e ataia b'a baika I koroi taekaia nako imi bon te tua mairoun te UEA;

1.I-Korinto 3:1

Ao ngai, taari, I aki kona n taetae nako imi ngke arona b'a aomata ngkami aika iai i roumi Tamnein te Atua, ma I taetae nako imi b'a aomata ngkami aika ana b'ai te aba, i bukina b'a ai aroia merimeri ngkami n aromi n onimakina Kristo.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

I-Biribi 1:10

B'a kam aonga ni kona n rinei baika moa n raraoi, ao kam na itiaki ma n aki kabuakakaki n te bong are E na roko iai Iesu,

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

1.I-Tetaronike 5:21

ma kam na katai b'aai ni kabane b'a ua ra; kam na taua ae raoiroi,

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.