1.I-Korinto 2:14 - Te B'aib'ara

¹⁴ Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.I-Korinto 2:14 ပူးပေါင်းရင်းမြစ်များ

Taeka n Rabakau 14:6

B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

Ioane 12:37

E boni ngae ngke E kabatiai ni karaoi ana m'akuri aika kamimii i mataia, ma a bon aki onimakinna,

Ioane 14:17

Te Tia Buobuoki aei bon te Tamnei are Tabu i bukin te koaua; are e aki kona ni butim'aeaki iroun aonnaba, b'a e aki noria, ao e aki ataia. Kam ataia ngkami, b'a E maeka iroumi, ao E memena i nanomi.

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 15:26

“Ma ngkana E roko te Tia Buobuoki, are te Tamnei are Tabu, are N na kanakomaia nakoimi mairoun Tamau, ao E na kakoaua i buku. N na kanakomaia nako imi mairoun te Tama, ao E na taetae i buku.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Ioane 8:43

E aera ngkai kam aki ata nanon te bae I taekinna? Aio bukina, b'a kam rawa ni kan ongo au taeka n reirei.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

M'akuri 18:15

Ma ngkai e kaeti ma taian titiraki i bukin taeka ma aara, ma taekan ami tua, ao I a katikui taekaia nakoimi, b'a I aki kan riki b'a te tia motiki taekani baikai.”

M'akuri 25:19

ma iai b'aai ake a kauntaekai ma ngaia i bukini baika kaeti ma aia onimaki, ao i bukin naba temanna, ae Iesu ae mate, ae e taku B'auro b'a E maiu.

1.I-Korinto 1:18

B'a te nanobaba taekan te kaibangaki irouia akana nangi mate, ma boni m'aakan te Atua i roura ngaira aika ti kamaiuaki.

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

1.I-Korinto 1:25

B'a e rabakau riki nanobaban te Atua nakon rabakauia aomata; ao e korakora riki mamaran te Atua nakoni korakoraia aomata.

1.I-Korinto 15:44

E taunaki b'a te rab'ata ae bon te rab'ata, ma ngke e a manga uti ao ai te rab'ata ae te rab'ata n tamnei. Ngkana iai te rab'ata ae bon te rab'ata, ao iai naba te rab'ata ae te rab'ata n tamnei.

1.I-Korinto 15:46

Ma tiaki te rab'ata n tamnei are roko moa, b'a te rab'ata ae bon te rab'ata, ao rimwi te rab'ata n tamnei.

1.I-Korinto 2:12

Ao ngaira ti aki anganaki te tamnei ae b'ain aon te aba, ma ti anganaki te Tamnei are mairoun te Atua, b'a ti na atai ana b'ai n tituaraoi te Atua nako ira.

1.I-Korinto 3:1

Ao ngai, taari, I aki kona n taetae nako imi ngke arona b'a aomata ngkami aika iai i roumi Tamnein te Atua, ma I taetae nako imi b'a aomata ngkami aika ana b'ai te aba, i bukina b'a ai aroia merimeri ngkami n aromi n onimakina Kristo.

Iakobo 3:15

Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Iuta 1:19

Aomata aikai boni ngaiia aika kariki taian raure; aomata aika iri oin nanoia ni baika a tangiri, ao akea te Tamnei i rouia.