1.I-Korinto 16:13 - Te B'aib'ara

¹³ Kam na tatauraoi, kam na teimatoa n te onimaki, kam na nano ni mm'aane, ao kam na korakora.

1.I-Korinto 16:13 ပူးပေါင်းရင်းမြစ်များ

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

1.Uea 2:2

Natiu i aoni kawaiu ni mate n aroia aomata nako ma I tangiriko b'a ko na korakora ma n ninikoria.

1.Rongorongo 19:13

Kam na ninikoria ao kakorakoraingkami ni buaka i bukiia ara aomata ao ana kaawa te UEA ae te Atua. I tataro b'a e na karaoi b'aai nako akana e kukurei iai.

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 31:24

Kam na korakora ao kam na ninikoria, ngkami ni kabaneingkami akana kam kaantaninga te UEA.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mataio 26:41

Kamarurungngkami n taratara, ao tataro b'a kam aonga n aki b'aka nakon te kariri; e konamaki te tamnei, ma e mamara te iriko.”

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

2.I-Korinto 1:24

Tiaki nanora b'a ti kan tautaekaningkami, n tuangngkami aromi n onimaki; ma bon raao ngaira ni m'akuri i bukin ami kim'areirei, ngkai kam teimatoa n te onimaki.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

I-Korote 4:2

Kam na tai toki n tatataro, ao kam na kamarurungngkami iai ni katituaraoi;

1.I-Tetaronike 3:8

b'a e a manga karekea te maiu ae boou nako ira aromi n teimatoa n reitaki ma te Uea.

1.I-Tetaronike 5:6

Ma ngaia ae ti na tai nimatutuu n ai aroia tabem'aang; ma ti na kauti matara, ao ti na kamarurungira.

2.I-Tetaronike 2:15

Ma ngaia ae kam na tei matoa, taari, ao kam na tauu taian taeka ake kam reireiaki iai, tao n ara taeka, ke tao n ara reta;

1.Timoteo 6:12

Ko na kekeiaki m'aaka n te kabo birim'aaka ae b'ain te onimaki, ao karekea te maiu are aki toki b'a kaniwangam; b'a ngaia aei te maiu are E weteiko nako iai te Atua ngke ko moa ni kaota iai am onimaki i mataia taani kakoaua aika bati.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

2.Timoteo 4:5

Ma ngkoe, ko na kamarurungko b'a e na aki bua am iango i aoni b'aai ni kabane; ko na taona nanom nakoni marakim, ko na karaoa ana m'akuri te tia taekina te euangkerio, ao ko na karaoi ni kabane kanoan nakoam.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Iotua 1:18

Ane e aki karinea m'akam ma n rawa n ongo n am taeka ao e na tiringaki. Ko na korakora ao ko na ninikoria!”

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

1.Tamuera 4:9

Kaain Biritia, kam na ninikoria ao kakorakoraingkami ni buaka! Ngkana kam aki ao ae a na tautaekaniira kaain Ebera aikai, n arora ngke ti tautaekaniia ngkoa. Kam na buaka ao kam na aki maaku.