1.I-Korinto 16:1 - Te B'aib'ara

¹ I bukini ngkanne te angab'ai i bukiia ake a itiaki: kam na karaoa te baere I a tia n tuangiia taian ekaretia i Karatia b'a a na karaoia.

1.I-Korinto 16:1 ပူးပေါင်းရင်းမြစ်များ

M'akuri 11:28

E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

M'akuri 11:30

A boni karaoia, ao a angani B'arenaba ma Tauro b'a a na nako n nikiri irouia unimm'aane.

M'akuri 16:6

Ao a m'ananga n ri nukan te aba are Berukia ma Karatia, ngke a tukaki iroun te Tamnei are Raoiroi b'a a na aki taekina ana taeka te Atua i Atia;

M'akuri 18:23

E tiku ni kamanna iai teutana, ao i mwina e kitanna n nako ni kawara te aba are Karatia ma Berukia, ni kakorakoraia taan onimaki ni kabaneia iai.

M'akuri 24:17

Ma i mwin tabeua te ririki, ao I roko i Ierutarem n nikiri b'aai n tituaraoi nakoia au botannaomata, ao I anga karea.

M'akuri 9:13

Ao e kaeka Anania ni kaangai, “Te UEA, I ongo taekan teuaei irouia aomata aika bati, b'a e karaoi m'akuri aika bubuaka aika bati nakoia am aomata ake a itiaki ake i Ierutarem;

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

1.I-Korinto 11:34

Ngkana iai ae baki i buakomi, ao a riai n am'arake n aia auti, b'a kam aonga n aki motikaki taekami iroun te Atua ngkana kam bootaki. Ao i bukin b'aai riki ake tabeua, I a bon kaeti ngkana I roko ikanne.

1.I-Korinto 16:15

Kam ata Tetebana ma ana utu, b'a ngaiia ake a moa n riki b'a taan onimaki, ao a anga nanoia b'a taani beku i bukiia ake a itiaki: I butingkami, tariu, b'a

1.I-Korinto 4:17

Anne bukin ae I kanakoa iai Timoteo nako imi, ae natiu ae tangiraki ae kakaonimaki, i nanon te UEA, b'a e na kauringngkami taiani koaua aika I nakonako iai n onimakinan Kristo Iesu; ao boni ngaai naba aika I reireiniia iai kaain te ekaretia n taabo ni kabane.

I-Karatia 1:2

ao taari ni kabaneia aika i rou, nakoia ekaretia ake i Karatia:

I-Karatia 2:10

Ao akea te bae a butira iai, ma ti na ti uringiia ake a aki kaub'ai; ao bon aei te b'ai are e a kaman ingainga iai nanou ni kani karaoia.

Biremon 1:5

ngkai I ongo taekan am tangira nakoia ake a itiaki ni kabaneia, ma onimakinan te Uea are Iesu i roum.

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?