1.I-Korinto 15:42 - Te B'aib'ara

⁴² Ao ai aron naba manga utiia maate. E na mka te rab'ata are taunaki, ma ngke e a manga uti, ao ai te rab'ata ae aki kona ni mka.

1.I-Korinto 15:42 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Iobi 17:14

N na atonga te ruanimate b'a tamau, ao N na atongi ino ake a na kana rab'atau b'a tinau ao m'aneu.

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Taian Areru 49:14

A motikaki bukiia b'a a na mate n ai aroia tiibu; E na riki te mate b'a te tia kawakinia n ai aron te tia kawakin-tiibu, are na kairiia nakon te ruanimate. A na tauaki aroia n te ingabong irouia akana raoiroi, ngkai a waekoa ni mka rab'ataia n te ruanimate, ike e raroa nako mani mwengaia.

Taian Areru 49:9

iroun ane e rawa ni kani mate, ane e kani maiu n aki toki.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

Mataio 13:43

Ao ane a na raneanea akana raoiroi n ai aron taai n uean Tamaia. Ane iai taningana, ao ke e ongo.

M'akuri 2:27

B'a ane Ko na aki kitana aomatau ni koaua i Eriti, Ao Ko na aki anga rab'atan am toro ae kakaonimaki b'a e na mka n te ruanimate.

M'akuri 2:31

Ao Tawita e a kaman nora te baere E na karaoia te Atua, ma ngaia are e taekina manga-utin te Kristo: b'a E aki kaaki taekana i Eriti, ao E aki rotaki rab'atana n te mka.

I-Rom 1:23

ao a onika te Atua ae aki mamate ae mimitong b'a te bouananti ae katotongan te aomata ae mamate, ke maan aika kibakiba, ke maan aika kakaeai waeia, ke maan aika kawakawa.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 8:21

b'a a na kainaomataki man te mka are a na bane n roko iai, ao a na karekea te aro n inaomata ae akea n ai arona are aia b'ai natin te Atua.

1.I-Korinto 15:41

Bon te tamaroa teuana tamaroan taai, ao teuana tamaroan nam'akaina, ao teuana tamaroaia itoi; ma e kakaokoro tamaroan te itoi teuana ma te itoi teuana.

I-Karatia 6:8

B'a ane ira nanon rab'atana ao e na anaa mwina ae te mate man te rab'ata; ao ane ira nanon te Tamnei are Raoiroi, ao e na anaa mwina ae te maiu are aki toki mairoun te Tamnei are Raoiroi.

1.Betero 1:4

b'a a aonga n reke b'aai aika kawakinaki i bukira, aika b'aai aika aki kona ni mka, aika aki kam'ara, aika aki kona n rai, aika kawakinaki i karawa i bukimi,