1.I-Korinto 15:35 - Te B'aib'ara

³⁵ Ane e na kangai temanna, “A na kanga ni manga uti maate? Ao tera aron rab'ataia ane a na roko iai?”

1.I-Korinto 15:35 ပူးပေါင်းရင်းမြစ်များ

Iobi 11:12

A na rikirake ni wanawana aomata aika nanobaba ngkana a bungiaki bunin aati aika katam'anti.

Iobi 22:13

Ma kam taku, “B'a tera ae na ataia te Atua? E aki kona ni motika taekan temanna b'a a raba matana n taian nang aika rotongitong.

Taian Areru 73:11

Ao a kaangai, “E na aki ataia te Atua; E na aki kona ni kunea te Atua are Moan te M'aaka.”

Te Minita 11:5

Bon akea temanna ae e konaa ni kab'arab'araa, b'a e kangaa te ataei ni ikeike i m'aain bungiakina. Ma ngaia are, e na kangaa te aomata ni kab'arab'araa, b'a tera ae e karaoia te Atua? E ngae ngke E bon kariki b'aai ni kabane.

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Etekiera 37:3

Ao E taku, “Etekiera ae natin te aomata, a na konaa ni manga maiu taian rii aikai?” Ao I kaeka, “Bon ti Ngkoe te UEA ae te Atua ae Ko konaa ni kaeka anne.”

Ioane 3:4

E taku Nikotemo nakoina, “E na kanga ni manga moa ni bungiaki te aomata ngkana e a kara? E aki kona ni manga rin i nanoni biroton tinana b'a e na manga bungiaki!”

Ioane 3:9

E kaeka Nikotemo ao e taku nakoina, “E na kanga n riki ae ai aron aei?”

Ioane 9:10

A titirakina teuarei ao a taku, “Ko kanga n noraba?”

I-Rom 9:19

Ane ko na titirakinai iai ngkanne ni kaangai, “Ao e aera te Atua ngkae E aki toki ni kakaea kairuan te aomata? B'a antai ae tuka nanona?”

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.