1.I-Korinto 15:13 - Te B'aib'ara

¹³ Ma ngkana a aki manga uti maate, ao nanona ngkanne b'a e tuai ni manga uti Iesu;

1.I-Korinto 15:13 ပူးပေါင်းရင်းမြစ်များ

M'akuri 23:8

B'a a taku Tarukaio b'a akea te manga-maiu, ao akea anera ma tamnei; ma a taku B'aritaio b'a iai baikai ni kabane.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

1.I-Korinto 15:12

Ngkana e taekinaki Kristo b'a E a tia ni manga uti mai buakoia maate, ao e aera ngkai a taku tabem'aang i buakomi b'a akea manga utiia maate?

1.I-Korinto 15:14

ao ngkana E tuai ni manga uti Kristo, ao a matebuaka ara reirei, ao a matebuaka naba ami onimaki.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.