1.I-Korinto 14:27 - Te B'aib'ara

²⁷ Ngkana iai akana taetae n taetae aika aki ataaki, ao a na taetae ti uoman, ke e na aki raka i aon teniman, ma e na taetae moa temanna ao i mwina temanna; ao ke e kab'arab'arai nanon taeka temanna.

1.I-Korinto 14:27 ပူးပေါင်းရင်းမြစ်များ

1.I-Korinto 12:10

ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

1.I-Korinto 14:13

Ma ngaia aei, b'a ane taetae n te taetae ae aki ataaki, ao ke e tataro b'a e na kona ni kab'arab'ara nanona.

1.I-Korinto 14:2

B'a te aomata ae taetae n te taetae ae aki ataaki, e aki taetae nakoia aomata, ma e taetae nakon te Atua; b'a akea ae ata nanon te baere e taekinna: b'a e taekin, ni m'aakan te Tamnei, baika raba.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

1.I-Korinto 14:28

Ma ngkana akea te tia kab'ara nanon taeka, ao ke e kainab'aabu n te botaki n ekaretia te aomata ane rabakau n taetae n te taetae ae aki ataaki; ke e taetae bon ti nako ina ma te Atua.

1.I-Korinto 14:5

I tangiringkami b'a kam na taetae n taetae aika aki ataaki, ma e a raoiroi riki ngkana kam taetae ni burabeti. E bongana riki te aomata ane taetae ni burabeti nakon ane taetae n taetae aika aki ataaki; ma ti ngkana iai ae kona ni kab'arab'ara nanon ana taeka b'a e aonga n reke kateimatoan te ekaretia iai.