1.I-Korinto 14:25 - Te B'aib'ara

²⁵ a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

1.I-Korinto 14:25 ပူးပေါင်းရင်းမြစ်များ

Karikani B'aai 44:14

Ao ngke a roko Iuta ma tarina n ana auti Ioteb'a, ao e bon mena Ioteb'a ikekei. Ao a bobaraaki i matana.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Ruka 17:16

ao e b'aka ni bobaraaki i rarikini waen Iesu, ao e anganna taeka ni kaitau. Bon te I-Taamaria ngaia.

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

Ruka 8:28

Ngke e nora Iesu, ao e takaarua ao e b'aka i matana, ao e kangai n te b'ana ae korakora, “Tera am b'ai i rou, Iesu, are Natin te Atua are Moan te Rietaata? I butiko b'a Ko na aki kamarakai!”

Ioane 4:19

E taku te aine nakoina, “Teuaei, I ataiko b'a te burabeti Ngkoe.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Te Kaotioti 19:4

Ao a katorobubua ni bobaraaki unimm'aane ake uangauni ma aman ma baike a maiu ake aman, ao a taromauria te Atua are tekateka i aon te kaintokanuea, ao a kaangai, “Amen! Neboa te Atua!”

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.

1.Tamuera 9:19

Ao e taku Tamuera, “Boni ngai te aomata ae I nonori taiani kaotioti! Naako ngkai tam'arakea te tabo n taromauri. Ko na am'arake ma ngai n te bong aei, ao nakon te moaningabong, I a kaeka am titiraki.