1.I-Korinto 14:23 - Te B'aib'ara

²³ Ma ngaia aei, ngkana tao a bane kaain te ekaretia ni botaki, ao a bane n taetae n taetae aika aki ataaki, ao ngkana a rin i buakoia aomata akana aki onimaki ma akana kan rin n te ekaretia ma a tuai n rin, ao tiaki b'a a na taku b'a kam rangirang?

1.I-Korinto 14:23 ပူးပေါင်းရင်းမြစ်များ

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Ruka 12:46

ao teuare ana mataniwi te toro arei, e na roko n te bong ae e aki kantaningaia iai, ao n te aoa ae e aki ataia, ao e na korouaia ni kam'akorokoroa, ao e na kaakiia i rarikiia ake a aki kakaonimaki.

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

M'akuri 2:13

Ma a taetae ni kakaniko tem'angina ao a kaangai, “A koro ni manging n te wain!”

M'akuri 26:24

Ngke e taetae B'auro ni kaitarai taekani bukinana n te aro arei, ao e takarua Beteto ao e taku, “B'auro, ko rangirang! E karangirangko mwin am wareware ni booki aika bati.”

1.I-Korinto 11:18

B'a aio moa, ngkana kam botaki n ekaretia. ao I ongo b'a e bwenaua ami botaki nakoni koraki n i-kakaiwi aika kakaokoro; ao I kakoaua te rongorongo anne teutana.