1.I-Korinto 14:21 - Te B'aib'ara

²¹ E koreaki n te Tua ae kangai: “E taku te UEA, N na taetae nakon te botannaomata aei n taetae aika aki ataaki, ni wiia aomata tem'angina; ma a bon aki ongo naba i Rou.”

1.I-Korinto 14:21 ပူးပေါင်းရင်းမြစ်များ

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Ioane 10:34

E kaekaia Iesu ao E taku, “Tiaki e koreaki n ami Tua ae kaangai, I taku, ‘atua ngkami’?

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

1.I-Korinto 14:34

a na tai taetae aine n te botaki n ekaretia nako; b'a e aki kariaiakaki b'a a na taetae; ma a na tauaki aroia, n ai aron taekana naba n te Tua.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.