1.I-Korinto 14:2 - Te B'aib'ara

² B'a te aomata ae taetae n te taetae ae aki ataaki, e aki taetae nakoia aomata, ma e taetae nakon te Atua; b'a akea ae ata nanon te baere e taekinna: b'a e taekin, ni m'aakan te Tamnei, baika raba.

1.I-Korinto 14:2 ပူးပေါင်းရင်းမြစ်များ

Karikani B'aai 11:7

Ti na ruorikaaki ngkai ni kaminoa aia taetae b'a aonga n aki atai nanon aia karaki i bon irouia.”

Karikani B'aai 42:23

Ao e atai baike a taekin Ioteb'a, ma a bon aki roko n te kinaa Ioteb'a, i bukina ngke bon iai are e kab'ara taeka i marenaia.

2.Uea 18:26

Ao a taku Eriakim, ma Tebena, ao Ioa, “Teuae ko karineaki, ti aki tangiriia aomata aika a kakauongo man te kaawa ae buubura ae e nonoaki b'a a na ataa te b'ai ae e taekinaki. Ma ngaia are, ti butiiko b'a ko na taetae nakoira n te taetae n Aram'aika ao tiaki n te taetae n Ebera.

Taian Areru 78:2

N na kabonganai taian taeka n rabakau, Ao N na kab'arab'arai nanoni baike a raba ake b'ai nikawai,

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mareko 16:17

Ao akana onimaki, a kona n noraki irouia kanikina aikai: n Arau ao a na kanakoia taimonio; ao a na taetae n taetae nako;

Mareko 4:11

E taku Iesu nako ia, “Kam a tia n anganaki te baere raba, are b'ain Uean te Atua; ma i bukiia ake i tinaniku, a taekinaki b'aai nako ia n taeka ni kabotau;

M'akuri 10:46

B'a a ongo i rouia ngke a taetae n taetae aika aki ataaki nanoia, ao ngke a neboa te Atua. E kaekaia ngkanne Betero, ao e taku,

M'akuri 19:6

Ao ngke e katokaa baina B'auro i aoia, ao E roko te Tamnei are Raoiroi i aoia; ao a taetae n taetaen aaba aika bati, ao a taetae ni burabeti.

M'akuri 22:9

A nora te oota arei raou, ma a aki ongo b'anaan Teuare taetae nako iu.

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

1.I-Korinto 12:10

ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

1.I-Korinto 15:51

Noria, I tuangngkami te b'ai ae raba: Ane ti na aki bane ni mate, ma ti na bane n onikaki,

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

1.I-Korinto 2:7

Ti taekina rabakaun te Atua ae akea temanna ae ata arona, are te rabakau ae raba, are E a tia ni motika taekana te Atua, i m'ain rikin aonnaba, b'a E na karekea iai arora n neboaki.

I-Ebeto 6:19

ao i buku naba; b'a I aonga n anganaki te taetae, b'a N na kaurea wiiu n aki mamaku, ni kaota te baere raba are n te euangkerio,

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.

I-Korote 2:2

I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

1.Timoteo 3:9

A na teimatoa n onimakina te baere raba are b'ain te onimaki ma mataniwin nanoia ae itiaki.

Te Kaotioti 10:7

Ma ngkana e katanga ana bu te anera are te kaitiman, ao te Atua E na kakororaoa ana kaantaninga are raba, n ai aron are E taekinna nakoia ana toro ake burabeti.