1.I-Korinto 14:17 - Te B'aib'ara

¹⁷ B'a e ngae n ae raoiroi am tataro ni katituaraoi, ma e bon aki kateimatoaki iai raom.

1.I-Korinto 14:17 ပူးပေါင်းရင်းမြစ်များ

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

1.I-Korinto 14:18

I katituaraoa te Atua ngkae e bati n reke i rou te kona n taetae n taetae aika aki ataaki nakon ane e reke i roumi.

1.I-Korinto 14:4

Ane taetae n te taetae ae aki ataaki ao e kateimatoa i bon i rouna; ma ane taetae ni burabeti ao e buoka te ekaretia ni kateimatoa.

1.I-Korinto 14:5

I tangiringkami b'a kam na taetae n taetae aika aki ataaki, ma e a raoiroi riki ngkana kam taetae ni burabeti. E bongana riki te aomata ane taetae ni burabeti nakon ane taetae n taetae aika aki ataaki; ma ti ngkana iai ae kona ni kab'arab'ara nanon ana taeka b'a e aonga n reke kateimatoan te ekaretia iai.

1.I-Korinto 14:6

Ma ngaia aei, taari, ngkana arona b'a I roko i roumi n taetae n taetae aika aki ataaki, ao tera kab'aiami iai i rou? Bon akea, ma ti ngkana I taekina nako imi kanoan te kaotioti are roko nako iu, ke n taekin taekan te atatai ma te taeka ni burabeti, ke te taeka n reirei.