1.I-Korinto 14:1 - Te B'aib'ara

¹ E na moamoa i roumi te tangira; ma kam na bati n tangiri naba b'aai n tituaraoi ake mairoun te Tamnei, ma ai moa ra riki b'a kam na kona n taetae ni burabeti.

1.I-Korinto 14:1 ပူးပေါင်းရင်းမြစ်များ

Taeka n Rabakau 15:9

E aki kukurei te UEA irouia aomata aika a karaoa te bure. Ma e tangiria aomata nako aika a karaoa ae e raoiroi.

Taeka n Rabakau 21:21

Ngkana kam kataia ni karaoa te akoi ma te raoiroi, ao kam na kakab'aiaki n te maiu ma te raoiroi ao te karineaki.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

I-Rom 12:6

Ma ngaia ae ti na kamanenai b'aai n tituaraoi aika kakaokoro ake ti anganaki n tatabemaniira nako mairoun te Atua n ai aron nanona n akoi: ngkana ti anganaki te kona n taetae ni burabeti, ao ti na taetae ni burabeti, n aki tibanako ma ara onimaki are iai iroura.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 9:30

Ao tera ae ti na taekinna ngkanne? Bon aei: b'a aomata aika tiaki I-Iutaia, aika akea aia kekeiaki ni kaeti aroia n reitaki ma te Atua, a kunea b'a e kona n reke i rouia kaetan aroia n reitaki ma Ngaia n te onimaki;

1.I-Korinto 12:1

Taari, I aki tangiringkami b'a kam na aki atai aroni b'aai n tituaraoi ake mairoun te Tamnei are Raoiroi.

1.I-Korinto 12:31

Ma kam na tangiri riki b'aai n tituaraoi aika moa ni kakannato.

1.I-Korinto 13:13

Ma ngkai a tiku n teimatoa baika tenua aikai, ae te onimaki, ma te kaantaninga, ma te tangira, ma e kakannato riki te tangira i buakoia.

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.I-Korinto 14:22

Ma ngaia ae bon te kanikina taetae aika aki ataaki, tiaki nakoia akana onimaki, ma nakoia akana aki onimaki; ao te taetae ni burabeti bon te kanikina nakoia akana onimaki, ma tiaki nakoia akana aki onimaki.

1.I-Korinto 14:37

Ngkana e taku temanna b'a te burabeti ngaia, ke e taku b'a iai i rouna te b'ai n tituaraoi are mairoun te Tamnei, ao ke e ataia b'a baika I koroi taekaia nako imi bon te tua mairoun te UEA;

1.I-Korinto 14:39

Ma ngaia aei, tariu, kam na bati n tangira te taetae ni burabeti, ao tai tuka te taetae n taetae aika aki ataaki.

1.I-Korinto 16:14

Kam na karaoi b'aai ni kabane ma te tangira.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

1.I-Tetaronike 5:20

kam na tai kakeai bonganan taetae ni burabeti;

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

2.Betero 1:7

n raona maiumi ni Kristian n akoaia raomi n onimaki; n raona akoaia raomi n onimaki n te tangira.

3.Ioane 1:11

Ngkoe ae ko tangiraki, ko na tai kakairi n te m'akuri ae buakaka, ma ko na kakairi n te m'akuri ae e raoiroi. Ane karaoa ae e raoiroi ao boni mairoun te Atua; ane karaoa ae buakaka ao e tuai n nora te Atua.

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.