1.I-Korinto 13:5 - Te B'aib'ara

⁵ e b'aina te aroaro ae riai; e aki ukoukori baika e na kab'aia iai n ti ngaia; e aki kakaiun, ao e aki tautau mwini buure ake a karaoi aomata.

1.I-Korinto 13:5 ပူးပေါင်းရင်းမြစ်များ

2.Tamuera 10:3

Ma a taku ana mataniwi Anun nakoina, “Ko boni kakoauaa b'a a karinea tamam ngkai e kanakoia aomata aikai b'a a na kaawakiniko? E kanakoia b'a a na tib'aaiakina ara kaawa, b'a e aonga ni konaa n urua.”

Iobi 21:27

I atai ami iango aika buakaka akana i nanomi.

Taeka n Rabakau 14:17

A rangi ni kakai un aomata aika nanobaba, ao bon akea ae e na tangiriko ngkana akea onimakinam.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Warekaia Iteraera 12:3

B'a kaanga ai bon antai ngaia n ana iango? E bon tataetae naba te UEA nako ira tiaki tii ngaia.” E bon ongo te UEA ngurengureia

Warekaia Iteraera 16:15

Ao e a rangi n un Moote, ao e taku nakon te UEA, “Ko na tai ongora i rouia mm'aane aikai! I bon tuai ni karaoa te kaairua nako ia. I bon tuai naba man anaa aia aati temanna.

Warekaia Iteraera 32:6

Ao e kaeka Moote: Are nanona b'a kam nang tiku ikai, ao nikiraia Iteraera a na nako ni buaka?

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mataio 9:4

E atai nanoia Iesu, ma ngaia are E taku, “Kam aera ngkai kam iangoa ae buakaka i nanomi?

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

1.I-Korinto 10:24

Ke e na aki iangoia te aomata i bon i rouna n te baere e na karaoia, ma e na iangoia tem'angina.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 11:18

B'a aio moa, ngkana kam botaki n ekaretia. ao I ongo b'a e bwenaua ami botaki nakoni koraki n i-kakaiwi aika kakaokoro; ao I kakoaua te rongorongo anne teutana.

1.I-Korinto 12:25

b'a e kawa n riki te bwenaua n te rab'ata, ma a na i akoakoi b'ain nako te rab'ata n te aro ae ti te arona nako ia n tatabeua nako.

1.I-Korinto 7:36

Ma ngkana e taku temanna i nanona b'a e aki kona n taona nanona i bukin nanona ae korakora ni kani botaki ma ana kabae, ao e a taku b'a a bon riai ni mareaki, ao ke e karaoa ane tangiria; e aki bure iai; ke a mareaki.

2.I-Korinto 5:19

Tera ae ti nanonna b'a te Atua irouni Kristo, E raoiakiniia kaain aonnaba nako Ina, n aki tau mwin aia bure; ao E mwiokoira n taekan te raoi.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Biribi 2:21

B'a a bon tabeakin oin aroia aomata nako, ao a aki tabe ma baika kaeti ma nanoni Iesu Kristo.

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

2.I-Tetaronike 3:7

B'a kam atai baika kam riai ni kakairi i roura iai. Akea i roura te nano n rawa ni kani m'akuri ngke ti mena i roumi,

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

2.Timoteo 4:16

Akea ae e tei i rarikiu n te moa n tai are I taetae iai ni kaitarai bukinau; a bane ni kitanai. E bia aki tauaki aroia aei b'a te bure nakoia!

Iakobo 1:19

Tariu aika kam tangiraki, kam na ata aei: a riai aomata nako n aki tab'ara n ongora, a na aki waekoa ni kan taetae, ao a na aki kakai un;