1.I-Korinto 13:3 - Te B'aib'ara

³ Ao ngkana I anga nako au b'ai ni kabane, ao I anga rab'atau b'a e na kabuokaki, ma akea te tangira i rou, ao bon akea te bae e raka ae N na karekea iai.

1.I-Korinto 13:3 ပူးပေါင်းရင်းမြစ်များ

Itaia 57:12

Tao ko taku b'a ko rangi n raoiroi, ma N na kaota te koaua.

Ieremia 7:8

Ma kam na ti taraa te b'ai ae e riki! Kam onimakin taiani kewe aika akea manenaia.

Mataio 23:5

A karaoi aia m'akuri ni kabane b'a a aonga n noraki irouia aomata: a karababai aia burakitere, ao a kam'arairai riki rabini kunnikaia!

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 18:28

Ao e taku Betero, “Noria, ti a tia ni kitan ara b'ai nako ao ti iririko!”

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.

Ioane 12:43

b'a a tangira riki kamoamoaaia irouia aomata nakoni kamoamoaaia iroun te Atua.

Ioane 13:37

E a manga taku riki Betero nakoina, “Te Uea, e aera b'a N na aki kona n iriko ngkai? N na anga maiu i bukim!”

Ioane 15:13

Akea te tangira ae korakora riki iroun te aomata nakon ae te anga maiuna i bukiia raona.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

I-Karatia 5:26

Ti na tai riki ni kainikatonga, ti na tai i kaunun, ao ti na tai i babakantang.

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.