1.I-Korinto 13:13 - Te B'aib'ara

¹³ Ma ngkai a tiku n teimatoa baika tenua aikai, ae te onimaki, ma te kaantaninga, ma te tangira, ma e kakannato riki te tangira i buakoia.

1.I-Korinto 13:13 ပူးပေါင်းရင်းမြစ်များ

Taian Areru 146:5

E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 43:5

E aera ngkae e rawaawata nanou? E aera ngkai I aki rau? N na kaantaninga te Atua, ao N na manga neboia, b'a bon au tia kamaiu ao Atuau.

Ruka 10:27

Ao e kaeka ni kangai, “Ko na tangira te Uea ae te Atua n nanom ni kabanea, ao ni maium ni kabanea, ao ni korakoram ni kabanea, ao ni wanawanam ni kabanea; ao ko na tangira raom n ai aron tangiram i bon i roum.”

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

1.I-Korinto 14:1

E na moamoa i roumi te tangira; ma kam na bati n tangiri naba b'aai n tituaraoi ake mairoun te Tamnei, ma ai moa ra riki b'a kam na kona n taetae ni burabeti.

1.I-Korinto 16:14

Kam na karaoi b'aai ni kabane ma te tangira.

1.I-Korinto 3:14

Ngkana e tiku n arona ana kateitei te aomata i aona, ao e na anganaki kaniwangana.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

1.I-Korinto 8:3

ma ngkana e tangira te Atua te aomata, ao e bon ataaki i Rouna.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

2.I-Korinto 5:15

ao E mate i bukiia ni kabaneia, b'a a aonga n aki manga kabane maiuia akana maiu, bon i bukiia; ma a na kabane maiuia i bukin Teuare mate i bukiia, ao are E a manga uti naba i bukiia.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

I-Korote 3:14

Ao kam na b'aina te tangira i aoni baikai ni kabane, b'a ngaia ae boti ni kabaei b'aai ni kabane.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 5:8

Ma ngaira, aika ana b'ai te ngaina, ti na tauu baangira; ti na karina te tanga are te onimaki ma te tangira, ao te barengaru are kaantaningan te maiu.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

2.Timoteo 1:7

B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

Ebera 10:35

Ma ngaia ae kam na tai kaki aromi n nanomatoa, b'a bon iai kab'aiami ae bati ae na reke iai.

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Ebera 6:19

Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

1.Ioane 2:10

Ane tangira tarina ao e maeka n te oota, ao akea te bae e na reke waena iai n tata nako.

1.Ioane 2:14

Ataei, I koroboki nako imi, ngkai kam ata te Tama. Rorobuaka, I koroboki nako imi, ngkai kam korakora; e memena ana taeka te Atua i nanomi, ao kam a tia n tokanikai i aon teuare buakaka.

1.Ioane 2:24

Ao ngkami, e na mena i nanomi te baere kam ongo ma ngke kam moa n riki b'a Kristian. Ngkana e memena i nanomi te baere kam ongo ngke kam moa n riki b'a Kristian, ao ane kam na nim ma te Nati ao te Tama naba.

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.

1.Ioane 3:9

Ane bungiaki mairoun te Atua ao e aki karaoa ae bure, b'a e memena anuan te Atua i nanona; ao e aki kona ni bure, b'a e bungiaki mairoun te Atua.