1.I-Korinto 12:11 - Te B'aib'ara

¹¹ Bon te Tamnei are Raoiroi naba aei ae ti temanna ae karaoi baikai ni kabane, n tib'atib'ai nakoia aomata n tatabemaniia nako n ai aron nanona.

1.I-Korinto 12:11 ပူးပေါင်းရင်းမြစ်များ

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 11:26

Eng, Tamau, b'a aei aron nanom n akoi.

Mataio 20:15

Tiaki b'a iai i rou te inaomata ni karaoa ae I tangiria ma au b'ai? E aera b'a ko na moanoku ngkai iai i rou te nano n akoi?”

Ioane 3:27

E kaekaia Ioane ao e taku, “Akea te b'ai ae kona n riki nakon te aomata, ma ti ngkana E karaoia te Atua b'a e na riki.

Ioane 3:8

E kare te ang nakon te tabo are e kani kare nako iai; ko ongo karongoana, ma ko aki ata te tabo are e kare mai iai, ao te tabo are e nako iai. Aei aroia naba aomata nako ake a bungiaki iroun te Tamnei are Tabu.”

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

I-Rom 12:6

Ma ngaia ae ti na kamanenai b'aai n tituaraoi aika kakaokoro ake ti anganaki n tatabemaniira nako mairoun te Atua n ai aron nanona n akoi: ngkana ti anganaki te kona n taetae ni burabeti, ao ti na taetae ni burabeti, n aki tibanako ma ara onimaki are iai iroura.

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

1.I-Korinto 12:18

Ma E a tia te Atua ni kabane b'ain te rab'ata n tatabeua nako ni kaki n te rab'ata, n ai aron nanona.

1.I-Korinto 12:4

Ao a bati aekani b'aai n tituaraoi, ma ti temanna te Tamnei are Raoiroi are anga;

1.I-Korinto 12:6

Ao a bati aaro ni m'akuri, ma ti temanna te Atua, ae m'akuri i nanoia aomata ni kabaneia ao E buokiia ni b'aai ni kabane aika a karaoi.

1.I-Korinto 7:17

Ma ae kakawaki b'a a na kaotiia aomata nako ni maiuia b'a iai katauaia are a anganaki mairoun te UEA ngke a weteaki iroun te Atua. Ao bon aei naba au taeka are I tuangiia ekaretia ni kabaneia.

1.I-Korinto 7:7

Ai bia arou aomata ni kabaneia! Ma a bane aomata nako n toa ma te b'ai n tituaraoi mairoun te Atua: e anganaki temanna te aeka teuana, ao temanna te aeka teuana.

2.I-Korinto 10:13

Ma ti na aki kamoamoaira i aon are baireaki are E anganira te Atua, ae te tia are kam reke naba i nanona.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 4:7

Ma ti anganaki n tatabemaniira nako te b'ai n akoi, n ai aroni baireana are nako man aron nanoni Kristo n tituaraoi.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.