1.I-Korinto 11:30 - Te B'aib'ara

³⁰ Ao anne bukin ae a bati iai i buakomi aika mamara ma aika aki konab'ai, ao a tia ni mate tabem'aang.

1.I-Korinto 11:30 ပူးပေါင်းရင်းမြစ်များ

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Warekaia Iteraera 20:12

Ao E taku te UEA nakoni Moote ma Aaron, “A aki kubarai aomata i bukina ngke ko aki onimakina m'aakau. Ma ngaia are, Tiaki ngkoe, ae ko na kairiia aomata nakon te aba are I a tia ni berita iai b'a N na anganingkami.”

Warekaia Iteraera 20:24

“Aaron, bon aei te tabo ae ko na mate iai. Ko a tia n aki ongotaeka i Rou ngkoe ma Moote i Merib'a, ma ngaia are, kam na aki roko n te aba are I a tia ni berita iai nakoia Iteraera.

M'akuri 13:36

B'a ngke e a tia Tawita n tou mwin nako ana taeka te Atua n ana roro, ao e mate, ao e kaweneaki rab'atana i rarikiia ana bakatibu, ao e mka rab'atana.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

1.I-Korinto 11:29

B'a ane am'arake ma ni moi n aki ataia b'a tera rab'atan te UEA, ao e na karekea motikan taekana ae na kabuakakaki iai.

1.I-Korinto 11:31

Ma ngkana ti neneri raoi aroarora, ao akea bairean taekara.

1.I-Korinto 11:32

Ma ngkana a baireaki taekara iroun te UEA, ao E bon reireiniira iai, b'a ti aonga n aki uaia ni kabuakakaki ma te aonnaba ae ekaanako nanon te Atua.

1.I-Korinto 15:51

Noria, I tuangngkami te b'ai ae raba: Ane ti na aki bane ni mate, ma ti na bane n onikaki,

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.