1.I-Korinto 11:19 - Te B'aib'ara

¹⁹ B'a a bon riai n iai taiani bwenaua n ami botaki, b'a a aonga ni kinaki iai te koraki aika bon taan onimaki ni koaua i buakomi.

1.I-Korinto 11:19 ပူးပေါင်းရင်းမြစ်များ

Mataio 18:7

E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Ruka 17:1

E taku Iesu nakoia ana reirei: Ae a na bon roko taiani karirii nakoni karaoan te buakaka, ma e na reke kain ane a roko mai rouna baikanne.

Ruka 2:35

ao ngkoe ane ko na rotaki naba n te rawawata, b'a a bane ni kaotaki aia iango aika raba.”

M'akuri 15:5

Ma a teirake tabem'aang ake a onimaki man te koraki ni B'aritaio, ao a kaangai, “A bon riai ni korotabonim'aneaki, ao ni kamatoaki te taeka nakoia b'a a na tou mwin ana tua Mote.”

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

M'akuri 24:14

Ma I kaota aei nako im, b'a I tataromauria Atuaia ara bakatibu n aron ara onimaki n te Aro, are a atongnga b'a te Aro teuana; ao I iriri nanoni b'aai ni kabane ake a taekinaki n te Tua, ao ake a koreaki n aia boki burabeti.

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

M'akuri 26:5

A kaman ata arou ma ngkoa, ngkana iai baikana a kan taekinai iai: b'a I a tia ni kaaina te botaki teuana ae a rangi ni mamatoa tuana, ae te botaki ni B'aritaio.

M'akuri 28:22

Ma ti kan ongo mai roum am iango, b'a n aron ae ataaki iroura ao e taekinaki ni kabuakakaki te Aro aei n taabo nako.”

M'akuri 5:17

E rangi ni bakantang aia mataniwi ibonga ma raona ni kabaneia, aika kaain te botaki n Tarukaio;

1.I-Korinto 11:20

Ma ngaia aei, ngkana kam botaki, ao bon tiaki ana Toa te UEA are kam kanna.

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

Tito 3:10

Ao i bukin te aomata ae karika te i raraaure n iango irouia aomata, ko na aki manga tabe ma ngaia ngkana ko a tia ni kauoua reireiana;

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.