1.I-Korinto 10:7 - Te B'aib'ara

⁷ Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

1.I-Korinto 10:7 ပူးပေါင်းရင်းမြစ်များ

Te Otinako 32:17

Ao ngke e ongo Iotua karongoaia aomata ae korakora, ao e taku nakon Moote, “Ti te bo ma iai te buaka i nano ikekei n aia maeka.”

Te Otinako 32:19

Ao ngke e tabe ni kaan Moote ma aia maeka, e a noora te bouannanti, ao e nooriia aomata aika m'am'aie i rarikina. Aei te b'ai are e a rangi n un iai n te aro are e a karenakoi taian atiibu ma ni kamaaenikuni i oin te maunga.

Te Otinako 32:4

ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

1.I-Korinto 10:14

Ma ngaia aei, ngkami aika kam tangiraki i rou, kam na bon aki taromauria te bouannanti.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 8:7

Ma a aki bane aomata nako n ata te koaua aei. A a tia n taneiai aomata tem'angina ma bouannanti, ao a taku naba ngkai b'a ngkana a kang am'arake ake karea nakoni bouannanti, ao a kang iai kanaia bouannanti aika maiu; e a kanganga i rouia ae a na ataia b'a e eti ke e aki are a karaoia, ao e a reke i rouia te namakin ae a taku b'a a kam'ara iai ngke a kang.

Te Tua-Kaua 9:12

ao E taku: Moote, ko na kawaekoako n ruo man te maunga nakoia aomata ake ko kaotinakoia mai Aikubita. A tia n aki ongotaeka nako Iu, b'a a karaoa te bure ae moan te buakaka are karaoan te bouananti.

1.Ioane 5:21

Ataei aika kam uarereke, kam na kawakiningkami n taua raroami mani bouannanti.