1.I-Korinto 10:28 - Te B'aib'ara

²⁸ Ma ngkana e kangai temanna nako imi, “Aio are e tiringaki b'a te karea,” ao kam na tai kanna i bukin teuare kaotia, ao i bukin naba mataniwin te nano.

1.I-Korinto 10:28 ပူးပေါင်းရင်းမြစ်များ

Taian Areru 115:16

Ana b'ai karawa te UEA n ti Ngaia, ma E anga aonnaba nakoia aomata.

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

I-Rom 14:15

B'a ngkana e rawawata nanon tarim i bukini kanam, ao ko aki nakonako n te aro n tangira. Tai urua maiun temanna are E mate Kristo i bukina, n te am'arake are ko kanna.

1.I-Korinto 10:26

B'a e kangai te B'aib'ara: “Bon ana b'ai te UEA aaba nako ma kanoaia.”

1.I-Korinto 8:7

Ma a aki bane aomata nako n ata te koaua aei. A a tia n taneiai aomata tem'angina ma bouannanti, ao a taku naba ngkai b'a ngkana a kang am'arake ake karea nakoni bouannanti, ao a kang iai kanaia bouannanti aika maiu; e a kanganga i rouia ae a na ataia b'a e eti ke e aki are a karaoia, ao e a reke i rouia te namakin ae a taku b'a a kam'ara iai ngke a kang.

1.I-Korinto 8:9

Ma kam na tarataraia b'a e na aki riki inaomatami aei b'a te b'ai ni kab'akab'aka nakoia akana mamara n te onimaki.

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.