1.I-Korinto 10:23 - Te B'aib'ara

²³ A atoatonga ae kangai tem'angina i buakomi: “Ti uki ni karaoi b'aai nako.” Tao e koaua, ma a aki bane b'aai ni manena ao a aki bane naba ni kateimatoa te aba.

1.I-Korinto 10:23 ပူးပေါင်းရင်းမြစ်များ

I-Rom 14:15

B'a ngkana e rawawata nanon tarim i bukini kanam, ao ko aki nakonako n te aro n tangira. Tai urua maiun temanna are E mate Kristo i bukina, n te am'arake are ko kanna.

1.I-Korinto 14:12

Ao ai aromi naba, ngkai kam rangi n tangiri b'aai n tituaraoi ake mairoun te Tamnei, ao kam na ukoukori b'a a na m'aiti i roumi i bukini kateimatoan te ekaretia.

1.I-Korinto 14:17

B'a e ngae n ae raoiroi am tataro ni katituaraoi, ma e bon aki kateimatoaki iai raom.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

1.I-Korinto 6:12

E taku ana taeka temanna, “Akea tuaau ngkana I karaoi b'aai nako.” Eng; ma a aki bane ni manena i bukim. I kona ni kangai, b'a akea tuaau ngkana I kani karaoi b'aai nako, ma akea te b'ai teuana ae na tautaeka i aou.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

1.I-Korinto 8:9

Ma kam na tarataraia b'a e na aki riki inaomatami aei b'a te b'ai ni kab'akab'aka nakoia akana mamara n te onimaki.

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

1.Timoteo 1:4

ao a na tai kabanebuakai aia tai ni karaki nikawai aika oteaki ma taiani kateiriki aika rangi n ananau, aika kariki taiani kauntaeka, ao a aki buoka ana kaantaninga te Atua are e ataaki n te onimaki.