1.I-Korinto 10:14 - Te B'aib'ara

¹⁴ Ma ngaia aei, ngkami aika kam tangiraki i rou, kam na bon aki taromauria te bouannanti.

1.I-Korinto 10:14 ပူးပေါင်းရင်းမြစ်များ

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

1.I-Korinto 10:15

I taetae nako imi ngkai kanga ai aroia aomata aika wanawana ngkami; kam na kareke ami baire n au taeka.

1.I-Korinto 10:19

Tera ae I nanonna ngkanne n au taeka? I nanona iai kakawakini karean te bouannanti, ke kakawakin te bouannanti?

1.I-Korinto 10:7

Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

2.I-Korinto 11:11

Ao b'a e aera? I bukina b'a I aki tangiringkami? E ataia te Atua.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

Biremon 1:1

Mairouni B'auro, ae kabureaki i bukini Kristo Iesu, ao mairoun Timoteo ae tarira; nakoni Biremon ae tangiraki ae raora ni m'akuri,

Ebera 6:9

Ma ti bon aki nanokokoraki i roumi, ngkami aika kam tangiraki, ngkana tao ti taetae n te aro aei; b'a ti ataia b'a a a tia n reke i roumi taiani kab'aia aika raraoi riki aika reitaki ma aroni kamaiuami.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

1.Ioane 5:21

Ataei aika kam uarereke, kam na kawakiningkami n taua raroami mani bouannanti.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.