1.I-Korinto 10:13 - Te B'aib'ara

¹³ Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.I-Korinto 10:13 ပူးပေါင်းရင်းမြစ်များ

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Taian Areru 125:3

E na aki teimatoa aia tautaeka akana buakaka i aon abaia akana onimakina te Atua; ke ni kairiia b'a ana karaoi m'akuri aika bubuaka.

Taian Areru 36:5

Te UEA, e rota karawa am Tangira ae teimatoa; ao e roti naang am Kakaonimaki.

Taian Areru 89:33

Ma e na aki toki tangiran Tawita irou Ao N na teimatoa ni kawakina au taeka n akoi nakoina.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Itaia 11:5

Ana niiniira ni uea bon te raoiroi ma te riai.

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Ieremia 12:5

Ieremia, ngkana ko a kua ni kabo birim'aaka ma aomata, ao ko nang kangaa riki ni kabo birim'aaka ma taian aoti? Ngkana ko b'aka i nanon taabo aika a katawanang, ao tera ngkanne te b'ai ae e na riki nakon te buakonikai are i mataniwiin te Karaanga are te Ioretan?

Ieremia 29:11

N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

B'aeb'aeti 3:23

E boou n te moaningabong koraki, n ai aron kakaonimakin otin taai.

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Otea 2:20

ao te kakaonimaki. Ao ane ko na ataai raoi iai b'a antai Ngai.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 11:4

Ao kab'arai ara bure, b'a ti kab'arai naba aia bure akana bure nako ira; ao tai kairira nakon te kaririaki.

Ruka 16:26

Ma tiaki ti aei, b'a iai te kam'anono ae nano ao e raababa ae e mena i marenara, n te aro b'a akea ae e na kona ni m'ananga maikai nako im, ao maikanne nako ira.”

Ruka 22:46

ao E taku nako ia, “E aera ngkai kam matu? Teirake, ao tataro, b'a kam na aki b'aka nakon te kaririaki.”

M'akuri 27:44

ao ake nikiraia, a na toka tem'angina i aon raai, ao tem'angina i aoni b'ain nako te kaibuke. Ao a bane ni kamaiuaki n te aro arei b'a a roko n te aba.

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

1.I-Tetaronike 5:24

E kakaonimaki Teuare weteingkami, ao E na boni karaoia.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

1.Tamuera 29:10

Ma ngaia ae, Tawita, nakon ingabongin te ingabong ngkami ni kabane ake kam kiitana Tauro ma ni kawarai, kam na moantaai n uti ma n okirikaaki ngkana e a tib'a tabe n oota.”