1.I-Korinto 10:11 - Te B'aib'ara

¹¹ A bane n roko baikekei i rouia b'a b'aai n reirei i bukira, ao a riki i bukin reireiara, ngaira aika ti maiu n te tai ae a kaan ma te toki.

1.I-Korinto 10:11 ပူးပေါင်းရင်းမြစ်များ

Karikani B'aai 19:35

Ao a manga kakoroa ni manging n te tairiki arei, ao e a manga wene ni bure neiere te bina ma ngaia. Ao e bon rangi ni manging naba Roota n te aro are e aki ataa te b'ai teuana.

Taian Areru 102:18

E na koreaki aei i bukiia te roro ae na roko rimwi, B'a a aonga aomata aika na bungiaki rimwi ni kamoamoa te UEA:

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Mataio 13:39

ao te kairiribai are uniki titania bon te riaboro. Bongin te tai bon tokin aonnaba, ao taan tai bon anera.

Mataio 13:40

Ao aron titania, ngkai a botaki ni kabuokaki n te ai, ao ai aroia naba te koraki ake ana aomata teuare buakaka: a na botaki ao a na kabuokaki n te ai n tokin aonnaba.

I-Rom 13:11

Kam bon riai ni karaoa aei, ngkai kam atai kanoani boong aika ti mena iai ngkai. E a bo ami tai ngkai n uti mani matumi. B'a e a uakaan riki ngkai te bong are ti na kamaiuaki iai nakon taina ngkoa ngke ti moa n onimakina iai te UEA.

I-Rom 13:12

E a kani bane te bong, ao e a kaan te ngaina. Ma ngaia ae ti na katikui m'akuri nako aika b'ain te roo, ao ti na anai b'aai ni buaka aika b'ain te oota.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 4:23

Ma te taeka ae kaangai, “E reke i rouna kaetan arona n reitaki ma te Atua,” e aki koreaki i bukin Aberaam n ti ngaia,

1.I-Korinto 10:6

Ao baikai a riki b'a b'aai n reirei nako ira, b'a ti na aki rii iai, n ai aroia.

1.I-Korinto 7:29

Ae I nanonna, taari, b'a e a riki rake ni kimototo ngkai te tai, ma ngaia ae a riai mm'aanenum'a, ni moa ma ngkai, ni maiu n ai aron ae aongkoa akea buia;

1.I-Korinto 9:10

ke tiaki ana taeka anne i bukira? E boni koreaki i bukira: b'a te aomata ae katauraoa raoi tanon ana tabo n ununiki e m'akuri ma kaantaningan reken tib'angana man uaan arokana; ao te aomata are kaki kunin uaan uita e kaantaninga naba reken tib'angana man uaan uita.

I-Karatia 4:24

Taetae ni kabotau baikai, b'a a boraraoi aika uoua nakekei: neiere bungiia natina b'a te toro bon Nei Aka, ao e tei i bukin te boraraoi are karaoaki n te maunga are Tinai.

I-Biribi 4:5

Ke e ataaki aromi n taotaonaki n nano irouia aomata ni kabaneia. E a kaan roko te UEA.

Ebera 10:25

Ao ti na tai kaki arora ni bobotaki, n ai aroia tabem'aang; ma ti na b'aina te aro ni kaunga ni kabatia riki, ngkai kam ataia b'a e a kan roko te bong arei.

Ebera 10:37

B'a e kangai te B'aib'ara, “B'a ai ti teutana, ao ane E na roko Teuare nangi roko, ao E na aki waeremwe.

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.