1.I-Korinto 10:10 - Te B'aib'ara

¹⁰ Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

1.I-Korinto 10:10 ပူးပေါင်းရင်းမြစ်များ

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

1.Rongorongo 21:15

Ao i mwiina, e kanakoa te anera ni kamaunaa Ierutarem. Ma ngke e nang waaki te anera arei, ao e a uringaaba te UEA ngke e a noori taian rawaawata ni kabane ake E a tia ni karikia nako ia aomata, ao E taku nakon te anera, “E a bati n tau rawawataia anne.” E riki aei n te tabo ni kaaki kun ni uita are ana b'ai Arauna are kaain Iebu.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Taian Areru 106:25

A ngurengure i nanon aia um'arianna, Ao a rawa ni kan ongo ni b'anaan te UEA.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 15:24

Ao a ngurengure aomata nakoni Moote, ao a taku, “Tera ngkai ae ti nang mooi iai?”

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Warekaia Iteraera 14:37

Ma ngaia are, E kanakoa te aoraki ae kamamate are tiringiia mm'aane akekei,

Warekaia Iteraera 16:11

Kam aki kamangao nakon Aaron ma kam boni kamangao nakon te UEA.

Warekaia Iteraera 16:41

Ao n te bong are i mwiina, ao a manga ngurengure naba Iteraera nakoni Moote ma Aaron, ao a taku, “Kam a tia n tiringiia Ana aomata te UEA ngkami akana uoman!”

Warekaia Iteraera 17:10

Ma E taku te UEA nakoni Moote, “Kaoka okon Aaron! Katikui i rarikin te Atiniberita b'a te b'ai n reirei nakon ane e na manga iangoa te kamangao. Ngkana e aki toki ngurengureia nako Iu, ao N na kamaunaia.”

Warekaia Iteraera 17:5

Ao i mwiina, N na rinea te mm'aane temanna b'a au ibonga, ao e na manga bwebwerake taian tabera man okona. Ao ngkana e tia n riki anne, ao N na bon aki manga tabe ma tenaan ngurengure riki i bukimi.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

I-Biribi 2:14

Kam na karaoi b'aai ni kabane n aki ngurengure ma n aki kabo-taeka;

Ebera 11:28

I bukin ana onimaki Moote, ao e a riki iai ni karaoa te Riao ma katimtim'an te raraa, b'a e aonga Aneran te Mate n aki kamateia naati mm'aane ake karimoa.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”