1.I-Korinto 10:1 - Te B'aib'ara

¹ I tangiringkami, taari, b'a kam na aki m'aninga b'a a bane ara bakatibu ni mena i aan te nang, ao a bane n ri nukan taari;

1.I-Korinto 10:1 ပူးပေါင်းရင်းမြစ်များ

Neemia 9:19

I bukin am nanoanga ae moan te korakora ao ko aki roko n te kiitaniia i nanon te rereua. Ko aki toki ni kaiririia n te nang n te ngaina ao n te ai n te tairiki.

Taian Areru 105:39

E takina te nang i etaia, ao te ai b'a kaotaia n te bong.

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Taian Areru 78:53

E kairiia raoi, ao a aki maaku; Ma a b'ab'a aia kairiribai i taari.

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Te Otinako 40:34

Ao i mwiina ao e a rabuna te Um'antabunrianna ike E memena iai te UEA n te nang, ao e kaona nanona raaititin te UEA.

Warekaia Iteraera 14:14

ma ngaia are, ti butiiko b'a Ko na aki tiringiira i nanon te rereua ikai.

Warekaia Iteraera 33:8

A manga kitana Bi Airota ri nanon Taari are Mate, ao i mwiina, a m'ananga i nanon tenibong nakon Rereuan Etam, ao a katei auti n rianna i Maara.

Ioane 4:20

A tataromauri I-Tamaria ake ara bakatibu i aon te maunga aei; ao ngkami aika I-Iutaia kam taku b'a Ierutarem boni ngaia te tabo are a na tataromauri iai aomata.”

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 11:21

B'a ngke E kaaki m'aanga ake boni m'aanga ni koaua te Atua, ao ko taku b'a E na aki kona ni karaoia naba nako im?

I-Rom 4:11

Ao e anganaki te kanikina are te korotabonim'aneaki, b'a kanikinaeani kaetan arona n reitaki ma te Atua are e reke i rouna n ana onimaki ngke e tuai ni korotabonim'aneaki. N te aro aei, ao e riki Aberaam b'a kaanga tamaia akana onimaki ni kabaneia, e aoria ngkana a tuai ni korotabonim'aneaki; ao a butim'aeaki iroun te Atua b'a aomata ngaiia aika a tia ni kaetaki aroia n reitaki ma Ngaia.

1.I-Korinto 12:1

Taari, I aki tangiringkami b'a kam na aki atai aroni b'aai n tituaraoi ake mairoun te Tamnei are Raoiroi.

1.I-Korinto 14:38

ma ngkana iai ane aki ataia, ao ke e aoria n arona anne.

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

Te Tua-Kaua 1:33

e ngae ngke E a tia ni memena iroura n te rereua. E mena te UEA i nanon te nang n te ngaina, ni kairiira nakon te tabo ike ti na nako iai, ao ni kaota naba nakoira te tabo are ti na kateimaeka iai. Ao n te tairiki, E mena i nanon te ai.

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Iotua 4:23

Tuangiia rongorongon te UEA ngke E kaoraa te Ioretan ni karokoa ti roko raoi ni iterana are teuana, ma arona naba ngke E kaoraa Taari are Uraura i bukira.