1.I-Korinto 1:9 - Te B'aib'ara

⁹ E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

1.I-Korinto 1:9 ပူးပေါင်းရင်းမြစ်များ

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Itaia 11:5

Ana niiniira ni uea bon te raoiroi ma te riai.

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

Ioane 17:21

b'a a na bane n riki n teuana; n ai arora, ngkai Ko mena i nanou, Tamau, ao Ngai i nanom: b'a a na mena naba i nanora, b'a e aonga ni kakoaua te aba b'a Ko kanakomaiai.

I-Rom 11:17

Ngkami aika tiaki I-Iutaia, ti te bo ngkami ma m'aangan te kai ae te oriwa are riki n aki akaaka, aika m'aangana ake a katomaaki ni kamaiuaki ma m'aangan te oriwa are unikaki raoi, aika m'aangana ake a tia n oteaki. Kam a tia n onei mwini m'aanga tabeua ake a tia ni koreaki mai iai; ao i bukin aromi aei, ao kam a b'aina te kab'aia are e reke man rikimi b'a m'aangan te kai are unikaki raoi.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

I-Rom 8:30

Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.I-Korinto 10:16

Ngke ti moi man te m'angko are ti tataro i bukina b'a e na kakab'aia te Atua, tiaki anne te i buokanib'ai n raraani Kristo? Ao ngke ti kana te berena are ti urua, tiaki anne te i buokanib'ai n rab'atani Kristo?

2.I-Korinto 1:18

Ma ngkae E kakaonimaki te Atua, ao ara taeka nako imi bon tiaki “Eng” ao “Tiaki”, n te tai ae ti teuana.

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

2.I-Tetaronike 2:14

E weteingkami nakon aei te Atua n te euangkerio are ti taekinna, b'a kam aonga ni buokanib'ai ma ara Uea are Iesu Kristo n neboakina.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:13

ngkana ti aki kakaonimaki, ao Ngaia E boni kakaonimaki, b'a E aki kona n eekaanako oin arona.”

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 4:13

Ti ataia b'a ti nim ma Ngaia ao Ngaia E nim ma ngaira, n aei, b'a kioina ngkae E a tia n anganira Tamneina.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.