1.I-Korinto 1:17 - Te B'aib'ara

¹⁷ B'a e aki kanakoai Kristo b'a N na b'ab'abetito, ma E kanakoai b'a N na tataekina te euangkerio-tiaki n te aro n rabakau n taetaenikawai, b'a e kawa n riki ana kaibangaki Kristo b'a te b'ai ae akea manenana.

1.I-Korinto 1:17 ပူးပေါင်းရင်းမြစ်များ

Ioane 4:1

Ngke E ataia Iesu b'a a tia n ongo B'aritaio ae E karekeia ana reirei ni kam'aitiia riki nakoni m'aitiia ana reirei Ioane, ao E b'abetitoia n aron naba are e karaoia Ioane nakoia ana reirei

Ioane 4:2

(ma tiaki Iesu ae b'ab'abetito b'a bon ana reirei),

M'akuri 10:48

Ao e tua Betero b'a a na b'abetitoaki n aran Iesu Kristo. A butiia ngkanne Betero b'a e na tiku i rouia tabe bong.

1.I-Korinto 2:1

Ao ngai, taari, ngke I roko i roumi n taekina te baere raba are mairoun te Atua, ao I aki kamanenai taeka aika N na atongaki iai b'a iai i rou te rabakau n taetae ma te ataib'ai.

1.I-Korinto 2:13

Ma ngaia ae ti na aki kabonganai taeka aika ti karekei man te rabakau n aomata ngkana ti taetae, ma ti na kabonganai taeka aika ti reireiaki iai iroun te Tamnei ngkana ti kab'arab'arai ana koaua te Atua nakoia ake iai Tamnein te Atua i rouia.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

2.I-Korinto 11:6

B'a ngkana tao I bangab'ai n te aro n taetae, ma I aki n te ataib'ai, ti a tia n aaro nako ao ni b'aai ni kabane ni kaoti arora aikai nako imi.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.Betero 1:16

B'a ti aki taekini karaki aika oteaki n te aro n rabakau, ngke ti tuangngkami m'aakan ma rokon ara Uea are Iesu Kristo; ma ti bon nora kakannatona.