1.I-Korinto 1:10 - Te B'aib'ara

¹⁰ I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

1.I-Korinto 1:10 ပူးပေါင်းရင်းမြစ်များ

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Mataio 9:16

Akea ae ituua te moti ni kunnikai ae boou i aon te ninira nikawai: b'a ane e na kui te moti ni kunnikai ae boou i mwin uatiana, ao e na kou nako man te ninira, ao e a kaab'ab'aka riki raeuakina.

Mareko 2:21

“Akea ae ituua te moti ni kunnikai ae boou i aon te kunnikai ae a b'ai nikawai; b'a ngkana e ituua ao ane e na tebenako are e boou man are e a b'ai nikawai, ao e na ab'ab'aki riki raeuakina.

Mareko 3:24

Ngkana e koro-utu te aba teuana, ao a buaka i bon i rouia, ao e na mauna arona n tautaeka.

Ioane 10:19

I bukin taeka aikai ao a manga aki boraoi naba I-Iutaia n aia iango i bukin Iesu.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 7:43

Ma ngaia are, a aki boraoi aia iango aomata n taekan Iesu.

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 12:16

Kam na kabobo nanomi. Tai b'aina te nano ni kani kakannato riki nakoia tem'angina, ma kam na kukurei n i raorao ma akana mangori. Tai iangoingkami b'a kam wanawana.

I-Rom 15:30

I bubutingkami, taari, i bukin ara UEA are Iesu Kristo ao i bukin te tangira are mairoun te Tamnei, b'a kam na kakorakoraingkami ma ngai n tataro nakon te Atua i buku,

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 1:11

B'a I kaongoaki taekami, tariu, irouia ana aomata Koroe, b'a iai taiani kauntaeka i buakomi.

1.I-Korinto 11:18

B'a aio moa, ngkana kam botaki n ekaretia. ao I ongo b'a e bwenaua ami botaki nakoni koraki n i-kakaiwi aika kakaokoro; ao I kakoaua te rongorongo anne teutana.

1.I-Korinto 12:25

b'a e kawa n riki te bwenaua n te rab'ata, ma a na i akoakoi b'ain nako te rab'ata n te aro ae ti te arona nako ia n tatabeua nako.

1.I-Korinto 3:3

i bukina b'a kam teimatoa ni b'aina te maiu are bobuaka ma nanon te Atua. B'a ngkai iai i roumi te bakantang, ma te kauntaeka, ao tiaki kam ekaanako nanon te Atua, ao kam katotoong aroia aomata?

1.I-Korinto 4:16

Ma ngaia ae I butingkami b'a kam na kakairi i rou.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 13:9

B'a ti kukurei ngkana ti mamara, ao ngkami kam korakora; ao bon ara tataro naba aei i bukimi b'a kam na nako raoi n aromi.

2.I-Korinto 5:20

Ma ngaia ae taan taetae ngaira i bukini Kristo, ao kanga E taetae ni bubuti te Atua i roura: ti butingkami i bukini Kristo, b'a kam na raoi ma te Atua.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 4:12

Taari, I butingkami b'a kam na riki n arou, ngkai I riki naba n aromi. Akea te bae e buakaka ae kam a tia ni karaoia nako iu;

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 3:16

Ma ae ti a roko iai, ao ti na nakonako iai n te kawai naba anne.

1.I-Tetaronike 5:13

Kam na anganiia karineaia ae bati ma tangiraia i bukin aia m'akuri. Kam na b'aina te raoi i buakomi.

2.I-Tetaronike 2:1

Ngkana E roko ara Uea are Iesu Kristo, ao ti na bane n ikotaki n uotaki rake nako Ina; ma ngaia ae I butingkami, taari,

1.Timoteo 5:21

I tuangko i matan te Atua, ma Kristo Iesu, ma ana anera te Atua, b'a ko na tou mwiini baikai ma te nano ae eti ae aki nanonano.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami