1.Ioane 5:11 - Te B'aib'ara

¹¹ Ao aio te kaotioti: b'a E anganira te Atua te maiu are aki toki, ao e mena te maiu aei i nanon Natina.

1.Ioane 5:11 ပူးပေါင်းရင်းမြစ်များ

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Ioane 1:19

Ao aikai ana taeka Ioane nakoia ibonga ma taian Rewi ake a kanakoaki nakoina irouia I-Iutaia mai Ierutarem, b'a a na titirakinna ni kaangai, “Antai ngkoe?”

Ioane 1:4

E mena mwin te maiu i rouna; ao ootaia aomata te maiu arei.

Ioane 10:28

I angania te maiu are aki toki, ao a na bon aki mate; ao akea ae kona ni buribaiia mairou.

Ioane 12:50

Ao I ataia b'a e reke te maiu are aki toki man ana tua. Ma ngaia aei, b'a te bae I atongnga, ao I atongnga n aron are E tuangai Tamau.”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 19:35

Teuare noria boni ngaia ae taekinna, ao a koaua ana taeka, ao e ataia b'a e taekina te koaua, b'a kam aonga naba n onimaki.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 4:36

Ane bobooti uaa nakoni neia ngkana a tai ao e kaboaki, ao e boti uaa i bukin te maiu are aki toki; b'a a aonga n uaia ni kim'areirei te tia ununiki ma te tia bobooti uaa.

Ioane 4:4

E riai b'a E na ri nukan Tamaria.

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

Ioane 5:26

B'a aron te Tama ngkai Ngaia oin te maiu, ao ai aron naba te Nati: b'a E a tia te Tama ni karaoia b'a oin te maiu,

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 6:47

Bon te koaua ni koaua ae I a tuangngkami b'a ane onimaki ao e a reke i rouna te maiu are aki toki.

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.Timoteo 1:16

ma I nanoangaaki i bukin aei, b'a E na kaota taotaonan nanon Kristo Iesu i rou, ngai ae te kabanea ni buakaka i buakoia aomata, b'a te banna ni kakairi nakoia akana nang onimakinna ao a na karekea te maiu are aki toki.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

1.Ioane 2:25

Ao aio te taeka n akoi are E tuangiira: b'a ti na maiu n aki toki.

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

1.Ioane 4:9

E kaotaki tangirara iroun te Atua n aei: b'a E kanakomaia Natina are te rikitemanna nako aon te aba te Atua b'a ti aonga ni maiu i Rouna.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

1.Ioane 5:7

B'a teniman taani kaotioti.

3.Ioane 1:12

E tataekinaki ni kamoamoaki Temeterio irouia aomata ni kabaneia, ao ni maiuna ni b'ab'aina te koaua; ao e tataekinaki naba ni kamoamoaki iroura; ao ko ata ara kaotioti b'a e boni koaua.

Iuta 1:21

ao kam na aki m'awa man ana tangira te Atua, ngkai kam kaantaninga ana nanoanga ara Uea are Iesu Kristo i bukin te maiu are aki toki.

Te Kaotioti 1:2

are taekini b'aai ni kabane ake e a tia n noori, are ana taeka te Atua ma te koaua are E kaotiotia Iesu Kristo.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,