1.Ioane 4:9 - Te B'aib'ara

⁹ E kaotaki tangirara iroun te Atua n aei: b'a E kanakomaia Natina are te rikitemanna nako aon te aba te Atua b'a ti aonga ni maiu i Rouna.

1.Ioane 4:9 ပူးပေါင်းရင်းမြစ်များ

Karikani B'aai 22:2

Ao E taku te Atua, “Ko na anaa natim te mm'aane ae te rikitemanna ae ko rangi n tangiria are Itaaka, ao naako nakon te aba are Moria. Ao ko na anga b'a am karea nako iu i aon te maunga ae N na kaotia nakoim.”

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Mareko 12:6

Ai ti temanna te nikira ae tuai ni kanakoaki b'a natin teuarei ae te mm'ane ae tatangiria. E a kanakoa ngkanne b'a ai te kabane, ao e taku, ‘Ane a na karinea natiu.’

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ioane 10:10

Bukin rokon te tia iraa bon ti te iraa, te kamaamate ao te urub'ai; ma I roko b'a e aonga n reke i rouia te maiu ae koro raoi arona.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 3:18

Ane onimakina Natina ao e aki motikaki taekana; ma ane aki onimakinna, ao e motikaki taekana i bukina b'a e aki onimakina aran Natin te Atua ae te rikitemanna.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 6:29

E kaeka Iesu ao E taku, “Te b'ai ae E tangiria te Atua b'a kam na karaoia bon aei: kam na onimakina ae E a tia ni kanakomaia.”

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

Ioane 6:57

Ngkai E kanakomaiai te Tama are mai Rouna te maiu, ao Ngai I maiu i bukin te Tama, ao te aomata ngkanne ane kanai e na maiu i buku.

Ioane 8:29

E memena irou Teuare kanakomaiai; E aki kitanai ni katukai n ti Ngai, i bukina b'a I aki toki ni kakaraoa te baere E kukurei iai.”

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

Ioane 9:3

E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

Ebera 1:5

B'a te anera ra ae E kangai te Atua nako ina ngkoa, “Bon Natiu Ngkoe n te bong aei ao bon tamam ngai.” Ke ni kangai, “N na riki b'a Tamana Ngai ao Ngaia E na riki b'a Natiu.”

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

1.Ioane 4:16

Ao ti ata te tangira are E tangirira iai te Atua, ao ti kakoauaa. Te Atua bon te tangira; ao ane b'ab'aina te tangira, ao e nim ma te Atua, ao te Atua E nim ma ngaia.

1.Ioane 5:11

Ao aio te kaotioti: b'a E anganira te Atua te maiu are aki toki, ao e mena te maiu aei i nanon Natina.

1.Ioane 5:13

I koroi baikai nako imi, b'a kam aonga n ataia b'a bon iai i roumi te maiu are aki toki, ngkami akana kam onimakina aran Natin te Atua.